এগৰাকী মহিলাৰ জৰায়ুৰ পৰা ফুটবল আকাৰৰ এটা বৃহৎ চিষ্ট অস্ত্ৰোপচাৰৰ কৰি আঁতৰাই দিয়া হৈছে৷ মহিলাগৰাকীৰ বয়স ৪৮ বছৰ আৰু তেওঁ মুম্বাইৰ বাসিন্দা। মুম্বাইৰে এখন ব্যক্তিগত চিকিৎসালয়ত অস্ত্ৰোপচাৰ কৰি প্ৰায় আঢ়ৈ কিলোগ্ৰাম ওজনৰ চিষ্টৰ আঁতৰাই পেলোৱা হয়।
মহিলা গৰাকীয়ে প্ৰকাশ কৰা মতে তেওঁৰ শৰীৰৰ ওজন বাঢ়ি যোৱাৰ লগতে পেটটোও ফুলি গৈছিল৷ মহিলাগৰাকীয়ে শৰীৰৰ ওজন হ্ৰাস কৰিবলৈ ব্যায়ামৰ পৰা আৰম্ভ কৰি খোৱা-বোৱাৰ সকলো নিয়ম মানি চলিবলৈ ধৰিলে যদিও কোনো ফল ধৰা নাছিল৷
উপায়ন্তৰ হৈ মহিলাগৰাকীয়ে শেষত চিকিৎসকৰ কাষ চাপে৷ চিকিৎসকে চিকিৎসা আৰম্ভ কৰাৰ পাছতে মহিলাগৰাকীৰ ওজন বৃদ্ধিৰ প্ৰকৃত ৰহস্য ওলাই পৰিল। মহিলাগৰাকীৰ আল্ট্ৰাছ’নোগ্ৰাফী কৰোতে জৰায়ুত এটা বৃহৎ আকাৰৰ চিষ্ট ধৰা পৰিল। চিকিৎসকে কয় যে সেই চিষ্টটোত অসংখ্য ফাইব্ৰইডৰো জন্ম হৈছিল।
লগতে পঢ়ক আপাতকালীন স্বাস্থ্যসেৱা আৰু কিছু কথা
চাৰি মাহ ধৰি তীব্ৰ শাৰীৰিক অস্বস্তিৰ মাজেৰে পাৰ কৰা বুলি চিকিৎসকসকলক জনাইছিল ৰোগীগৰাকীয়ে। সাধাৰণতে চিষ্টে ঋতুস্ৰাৱত প্ৰভাৱ পেলায়।
ইয়াৰ ফলত বহুতৰে মাহেকীয়া অনিয়মীয়া হয়, লগতে তীব্ৰ বিষো অনুভৱ কৰে। কেতিয়াবা দুই-তিনি মাহৰ মূৰে মূৰে ঋতুস্ৰাৱ হয়। ইয়াৰ ব্যৱধান বাঢ়ি যোৱাও দেখা যায়।
কিন্তু মহিলাগৰাকীয়ে তেওঁৰ ক্ষেত্ৰত এনে একো হোৱা নাছিল বুলি প্ৰকাশ কৰিছে। তেওঁৰ ঋতুস্ৰাৱ স্বাভাৱিক হৈয়ে আছিল। এই ঘটনাত চিকিৎসকসকলো আচৰিত হৈছে। চিকিৎসালয়ৰ সূত্ৰ অনুসৰি অস্ত্ৰোপচাৰৰ পিছত মহিলাগৰাকী বৰ্তমান সুস্থ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
