এক ৰহস্যময় হত্যাকাণ্ড আৰু ১ কোটি মোবাইলৰ ডাটা
২০১৫ চনৰ এক হত্যাকাণ্ড, যি হত্যাকাণ্ডৰ ৰহস্য ফাদিলৰ নামত হোৱা তদন্তই কৰিছিল একপ্ৰকাৰৰ অভিলেখ। বহু চৰ্চিত সেই হত্যাকাণ্ডত ৰহস্য ফাদিলৰ নামত ১ কোটি মোবাইলক ট্ৰেক কৰা হৈছিল লগতে সেই সমূহৰ ডাটা বোৰো যুগুত কৰা হৈছিল। পাছে কিয় ইমান বছৰৰ মূৰত পুনৰ চৰ্চালৈ আহিছে সেই হত্যাকাণ্ড। উচ্চ ন্যায়ালয়ৰ এক সিদ্ধান্তৰ বাবে পুনৰ চৰ্চালৈ আহিছে সেই হত্যাকাণ্ড।
বহু চৰ্চিত সেই হত্যাকাণ্ড সংঘটিত হৈছিল চত্তীশগড়ত। অভিষেক মিশ্ৰা নামৰ এগৰাকী যুৱকৰ হত্যাকাণ্ড আছিল সেয়া। চত্তীশগড়ৰ অন্যতম ইঞ্জিনিয়াৰিং কলেজ শংকৰাচাৰ্যৰ চেয়াৰমেন আই পি মিশ্ৰাৰ একমাত্ৰ পুত্ৰ আছিল অভিষেক।
প্ৰথমে অপহৰণ পাছত হত্যা কৰি এক পৰিত্যক্ত ঘৰৰ চৌহদতে পুতি থৈছিল অভিষেকৰ মৃতদেহ। সেই হত্যাকাণ্ডৰে ৰহস্য ফাদিলৰ নামত চত্তীশগড় আৰক্ষীয়ে ১ কোটি মোবাইলৰ ডাটা সংগ্ৰহ কৰাৰ লগতে সেই মোবাইল সমূহক ট্ৰেকো কৰিছিল।
যি দৰে আৰক্ষীয়ে হত্যাকাণ্ডটোৰ ৰহস্য ফাদিলৰ নামত তদন্ত কৰিছিল সেই তদন্ত আছিল একপ্ৰকাৰৰ অভিলেখ স্বৰূপ। কিয়নো দেশত তেনে ধৰণৰ ঘটনা পূৰ্বে হোৱা নাছিল। আৰক্ষীয়ে কৰা সেই ১ কোটি মোবাইলৰ ট্ৰেকিঙৰ জৰিয়তেই শেষত তিনি হত্যাকাৰীৰো সম্ভেদ লাভ কৰিবলৈ সক্ষম হৈছিল।
বহু জেৰা আৰু উচ্চ ন্যায়লয়ৰ শুনানীৰ শেষত অভিশেষকৰ ঘৰৰ সমীপৰে দুই হত্যাকাৰীৰ আজীৱন কাৰাবাসো হৈছিল। আদালতত নিজে ভাষ্য প্ৰদান কৰিছিল ৰোডেৰে কোবাই হত্যা কৰি পুতি থৈছিল অভিষেকৰ মৃতদেহ। লগতে মৃতদেহৰ পৰা যাতে দুৰ্গন্ধ বিয়পি নপৰে তাৰ বাবে ১০০ কেজিৰো অধিক নিমখো সেই মৃতদেহৰ সৈতে পেলাই দিছিল। তাৰোপৰি পুতি থোৱাৰ পাছত সেই স্থানত কবি খেতিয়ো কৰিছিল হত্যাকাৰীয়ে।
প্ৰেমৰ বাবেই এই হত্যাকাণ্ড সংঘটিত হোৱা বুলি সেই সময়ত প্ৰকাশ পাইছিল। হত্যাকাণ্ডৰ সৈতে জড়িত আছিল এগৰাকী বিবাহিত মহিলা লগতে মহিলাৰ স্বামী আৰু স্বামীৰ খুৰাক। হত্যাকাণ্ড সংঘটিত কৰাৰ সময়ত মহিলাগৰাকী আছিল সদ্যোজন্মজাত শিশুৰ মাতৃয়ো।
পাছে পুনৰ সেই ঘটনা চৰ্চিত হোৱাৰ কাৰণ ঘটনা উচ্চ ন্যায়ালৰ পৰা উচ্চতম ন্যায়ালয়লৈ হস্তান্তৰ। লগতে মৃতদেহৰ মৰণোত্তৰ পৰীক্ষাত কোনো আঘাতৰ চিন ধৰা নপৰা। সেয়ে ন্যায়ালয়ে কোনো সঠিক প্ৰমাণ নোহোৱাৰ বাবে অভিযুক্তই আৰক্ষীৰ কঠোৰ জেৰাতে মনে সজা ভাষ্য প্ৰদান কৰা বুলি দোষমুক্ত ঘোষণা কৰি তিনিও অভিযুক্তকে ৰেহাই দিয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
