অসম লাইভ২৪ঃ চাহৰ দোকানসমূহত আজিকালি কাঁচৰ গ্লাছৰ সলনি প্লাষ্টিকৰ কাপ ব্যৱহাৰ কৰা হয়৷ কাঁচৰ কাৰ ধোৱাৰ অসুবিধাৰ বাবে প্ৰায়সমূহ চাহ দোকানীয়ে বৰ্তমান প্লাষ্টিকৰ কাঁপেই ব্যৱহাৰ কৰে৷ এই প্লাষ্টিকৰ গ্লাছ শৰীৰৰ বাবে অতি ক্ষতিকাৰক৷ গৱেষণাত প্ৰকাশ পোৱা অনুসৰি হাইড্ৰফোবিক ফ্লিম নামৰ একধৰণৰ মাইক্ৰপ্লাষ্টিক কাগজৰ কাঁপত থাকে৷ কাগজৰ গ্লাছত গৰম চাহ দিয়াৰ লগে লগে খুব কম সময়ৰ ভিতৰতে কেইবাহাজাৰ মাইক্ৰপ্লাষ্টিক চাহৰ সৈতে মিহলি হৈ পৰে৷ কাগজৰ গ্লাছত চাহ খালে একাধিক ৰোগে শৰীৰত বাহৰ পাতে৷
কৰ্কটত আক্ৰান্ত হোৱাৰ আশংকা বাঢ়ে
প্লাষ্টিকৰ গ্লাছত চাহ খালে শৰীৰত কৰ্কট হোৱাৰ আশংকা বাঢ়ে৷ আমেৰিকান ইণ্টাৰনেশ্যনেল স্কুল অৱ মেডিচিনত প্ৰকাশিত এক প্ৰতিবেদনত উল্লেখ থকা অনুসৰি ভাৰতত প্লাষ্টিকৰ ব্যৱহাৰ বহু বেছি৷ খাদ্য সামগ্ৰী বান্ধি ৰখাৰ পৰা খাদ্য খোৱা পাত্ৰলৈকে সকলোবোৰতেই প্লাষ্টিক ব্যৱহাৰ কৰা হয়৷ সম্প্ৰতি এটা আন্তৰ্জাতিক সমীক্ষাত প্ৰকাশ পোৱা অনুযায়ী বিশ্ব কৰ্কটৰ পৰিসংখ্যাত চীন আৰু আমেৰিকা সবাতোকৈ ওপৰত৷ তৃতীয় স্থানতেই আছে ভাৰতবৰ্ষ৷ প্ৰতি বছৰেই ভাৰতত কৰ্কট আক্ৰান্তৰ সংখ্যা ৪.৫ ৰ পৰা ৫ শতাংশলৈ বৃদ্ধি পাইছে৷
কৰ্কটৰ সৈতে প্লাষ্টিকৰ কি সম্পৰ্ক?
গৱেষণাত প্ৰকাশ পোৱা অনুযায়ী কৰ্কটৰ অন্যতম কাৰক হৈছে প্লাষ্টিকৰ ব্যৱহাৰ৷ বিশেষকৈ কোনো অনুষ্ঠান বা ফুটপাথৰ খাদ্যৰ দোকানসমূহত প্লাষ্টিক বহুপৰিমানে ব্যৱহাৰ কৰা হয়৷ পানীৰ বটলো প্লাষ্টিকেই ব্যৱহাৰ কৰে ভাৰতীয় লোকে৷ নামী-দামী ৰেষ্টুৰেণ্ট বা কফি শ্বপসমূহতো বেছিভাগতে প্লাষ্টিকৰেই ড্ৰিংক পট ব্যৱহাৰ কৰা হয়৷ প্লাষ্টিকৰ কাপত চাহ খালে মুখ আৰু লিভাৰৰ কৰ্কটৰ আশংকা বাঢ়ে৷ প্লাষ্টিকৰ কাপত টাক্সিক পদাৰ্থ, বিছফেনল আছে যি কৰ্কটৰ অন্যতম কাৰক৷ মহিলাসকলৰ ইষ্ট্ৰোজেন হৰমনৰ কাৰ্যকাৰিতাও কমাই এই উপাদানে৷ আনহাতে পুৰুষৰ শুক্ৰাণু কমাই দিয়াৰ ক্ষমতা এই বিছফেনলৰ আছে৷
ভয়াৱহ সকলোবোৰ ৰোগৰেই কাৰক প্লাষ্টিক
মাটিৰ পাত্ৰ বা কাঁচৰ পাত্ৰতকৈ প্লাষ্টিকৰ কাপৰ দাম যথেষ্ট কম৷ প্লাষ্টিকৰ কাপ নিৰ্মাণ কৰা সকলো উপাদানেই শৰীৰৰ বাবে ক্ষতিকৰ। শ্বাসঃপ্ৰশ্বাস জনিত ৰোগৰ লগতে অটিজম, স্তনৰ কৰ্কটৰ দৰে ৰোগ হ’ব পাৰে প্লাষ্টিকৰ পৰাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
