অসম লাইভ ২৪ঃ জাৰ্মানীত পিজ্জা ডেলিভাৰীৰ কামত ব্যস্ত আফগানিস্তানৰ প্ৰাক্তন মন্ত্ৰী৷ ছ’চিয়েল মিডিয়াত ভাইৰেল হৈছে আফগান চৰকাৰৰ প্ৰাক্তন জনসংযোগ মন্ত্ৰী চৈয়দ আহমেদ শ্বাহ চাদাতৰ ফটো৷ দৰাচলতে আফগানিস্তান সংকটৰ পাছতে দেশ এৰি পলায়ন কৰিছিল প্ৰাক্তন মন্ত্ৰীগৰাকীয়ে৷ সম্প্ৰতি জাৰ্মানীত পিজ্জা ডেলিভাৰীৰৰ কামেৰে জীৱন নিৰ্বাহ একালৰ মন্ত্ৰীগৰাকীৰ৷ বৰ্তমান সময়ত আফগানিস্তানত ক্ষমতাত নাই এজনো নেতা৷ ৰাষ্ট্ৰপতি আশ্ৰাফ ঘানিৰো দেশ এৰি পলায়ন৷ কমলা ৰঙৰ ইউনিফৰ্মেৰে পিজ্জা ডেলিভাৰী বয়ৰ সাজত ভাইৰেল প্ৰাক্তন মন্ত্ৰী চাদাত৷ অৱশ্যে এই সন্দৰ্ভত মন্ত্ৰীগৰাকীয়ে কোনো মন্তব্য প্ৰকাশ কৰা নাই৷ তালিবানৰ প্ৰৱেশৰ পাছতে আফগানিস্তানৰ ৰাজধানী চহৰ কাবুল এক বিশৃংখল পৰিবেশে বিৰাজ কৰে৷ দেশ এৰি পলায়নৰ চেষ্টা কৰে সকলোৱে৷ অৱশ্যে দেশ এৰি সংযুক্ত আৰৱ আমীৰশ্বাহীত বসবাস কৰি আছে ৰাষ্ট্ৰপতি ঘানিয়েও৷ উল্লেখ্য যে চৈয়দ আহমেদ শ্বাহ চাদাত তালিবনে কাবুল দখল কৰাৰ সময়ত মন্ত্ৰীত্বৰ পদত নাছিল৷ এবছৰ পূৰ্বেই পদ ত্যাগ কৰিছিল প্ৰাক্তন মন্ত্ৰীগৰাকীয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
