যৌনতাই মুখমণ্ডলৰ উজ্জ্বলতা বৃদ্ধি কৰে নেকি? এই প্ৰশ্নটোক আপোনাৰ অবান্তৰ যেন লাগিলেও এক অধ্যয়নত অতি আচৰিত ফলাফল ওলোৱা দেখা গৈছে৷ এক অধ্যয়নৰ মতে যৌন সম্ভোগৰ পাছত মুখমণ্ডলৰ উজ্জ্বলতা বৃদ্ধি পায়৷ আৰু এই উজ্জ্বলতাক পোষ্টকইটাল গ্লো বোলা হয়।
আমোদজনক কথাটো হ’ল এই গ্লোৰ প্ৰভাৱ যৌন সম্পৰ্কৰ পিছত ৪৮ ঘণ্টালৈকে থাকে। এই অধ্যয়ন Psychological Science নামৰ আলোচনীত প্ৰকাশ পাইছে। বিজ্ঞানীসকলে কয় যে যৌন সম্পৰ্কৰ সময়ত অক্সিট’চিন হৰম’ন নিৰ্গত হয়। ইয়াৰ প্ৰভাৱ আৰু উপকাৰ কিমান দিনলৈ থাকে সেইটো জানিবলৈ এই অধ্যয়নটো কৰা হৈছিল আৰু অধ্যয়নৰ অন্তত এই আকৰ্ষণীয় ফলাফল পোৱা গৈছে।
বিজ্ঞানী আন্দ্ৰেয়া মেল্টজেৰাণ্ডৰ নেতৃত্বত বিজ্ঞানীৰ এটা দলে এই অধ্যয়ন কৰিছিল। এই অধ্যয়নত নৱবিবাহিত লোকৰ দুটা গোট গঠন কৰা হৈছিল।
লগতে পঢ়ক হাগ্ৰামা পত্নীৰ মালিকানাধীন বিলাসী ৰিজ’ৰ্টত বড়ো যুৱতীক যৌন নিগ্ৰহৰ চেষ্টা মাতাল যুৱকৰ
প্ৰথম গোটত ৯৬ টা আৰু দ্বিতীয় গোটত ১১৮ টা যোৰ আছিল। তেওঁলোকৰ যৌন কাৰ্যকলাপ অনুসৰণ কৰিবলৈ কোৱা হৈছিল। গড় হিচাপত দম্পতীয়ে ১৪ দিনত ৪ বাৰ যৌন সম্পৰ্ক স্থাপন কৰিছিল। এই অধ্যয়নত অংশগ্ৰহণকাৰীসকলৰ বয়স যিয়েই নহওক কিয়, যৌনতাৰ কম্পাঙ্ক, যৌন সন্তুষ্টি যৌন সম্পৰ্ক স্থাপন কৰা পিছত দুদিনলৈকে অনুভৱ কৰিছিল। অধ্যয়নৰ মতে ইয়াৰোপৰি ইয়ে মুখমণ্ডলৰ গ্লো অধিক বৃদ্ধি কৰি ৰাখে।
বিজ্ঞানীসকলে গ্লো আফটাৰ চেক্সৰ পৰা আৰু কে’বাটাও সিদ্ধান্তলৈ আহিছে। তেওঁলোকৰ মতে যিসকলৰ এটা ভাল আফটাৰ গ্লো আছিল তেওঁলোক সম্পৰ্কত সুখী আছিল। এই অধ্যয়নৰ বাহিৰেও যৌনতাৰ উপকাৰিতাৰ বিষয়ে বিভিন্ন অধ্যয়ন অব্যাহত আছে। যৌন সম্পৰ্কৰ সময়ত তেজৰ সঞ্চালন বৃদ্ধি পায়। যাৰ ফলত ৰক্তবাহী নলীবোৰ খোল খায়। ইয়াৰ ফলত মুখত ব্লাছ আৰু গ্লোৱে দেখা দিয়ে। বহু বিশেষজ্ঞই ওজন কমাবলৈ যৌনতাক উত্তম ব্যায়াম বুলিও গণ্য কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
