চিৰাঙ জিলাৰ শামথাইবাৰী জাতীয় পথৰ গাতে লাগি থকা বাথৌ খেৰাই ৰিজ’ৰ্টত যোৱা ১৭ ছেপ্টেম্বৰ বিশ্বকৰ্ম পূজাৰ নিশা অশ্লীল নৃত্যৰ মাজতে এজন যুৱকে দুজনী বড়ো যুৱতীৰ শ্লীলতাহানীৰ চেষ্টা চলোৱা ভিডিঅ সামাজিক মাধ্যমত ভাইৰেল হৈ পৰিছে।
জানিব পৰা মতে এই বিলাসী ৰিজ’ৰ্টখন বিটিচিৰ প্ৰাক্তন প্ৰধান হাগ্ৰামা মহিলাৰী পত্নীৰ মালিকানাধীন৷
প্ৰায়ে ৰিজ’ৰ্টখনত এনে কাৰ্য সংঘটিত হয় বুলিও সচেতন ৰাইজে মত প্ৰকাশ কৰে।ৰিজ’ৰ্টখনত নানান অসামাজিক কাৰ্যৰে ভৰি পৰিছে বুলিও দাবী স্থানীয় ৰাইজৰ। স্থানীয় ৰাইজৰ মতে ৰিজ’ৰ্টখনত মদ, ভাঙ, ড্ৰাগচ আদিও সুলভ হৈ পৰিছে।
উল্লেখ্য যে প্ৰাক্তন বিটিচিৰ মুৰব্বী তথা বিপিএফ প্ৰধান হাগ্ৰমা মহিলাৰীৰ পত্নী চেউলি মহিলাৰীৰ নামত থকা এই ৰিজ’ৰ্টখনত সংঘটিত এনে কাৰ্যৰেৰে সামাজিক বাতাবৰণ তথা পৰিবেশে বিনষ্ট কৰা বুলিও স্থানীয় ৰাইজে দাবী কৰিছে। বিশেষকৈ যুৱ প্ৰজন্মক ধ্বংসৰ গৰাহলৈ ঠেলি দিয়াৰ অভিযোগ উত্থাপন হৈছে৷
অসম চৰকাৰ তথা বিটিআৰ চৰকাৰক এই ৰিজ’ৰ্টখনৰ বিৰুদ্বে বিহিত ব্যৱস্থা লোৱাৰ দাবী জনাই ইয়াৰ উপকন্ঠ ৰাইজে।
আনহাতে যুৱতী দুগৰাকীৰ ওপৰত নিৰ্যাতন চলোৱা যুৱকজনক বিচাৰি কঠোৰ শাস্তি বিহাৰ দাবীও জনাইছে স্থানীয় ৰাইজে।
ইফালে ৰিজ’ৰ্টখনৰ এই কাণ্ডক তীব্ৰ ভাষাৰে গৰিহণা দিছে নিখিল বড়ো ছাত্ৰ সন্থাই৷ বড়ো ছাত্ৰ সন্থাই কয় যে এনে কাৰ্য যুৱপ্ৰজন্মক বিনষ্ট কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ