সময় যেন বেয়া চলিছে এয়াৰ ইণ্ডিয়াৰ৷ প্ৰতি পদে পদে এতিয়া বিপদে অপেক্ষা কৰি আছে যেন এয়াৰ ইণ্ডিয়াৰ বাবে৷ এইবাৰ ধীৰে চলো নীতি লৈ আহিছে এয়াৰ ইণ্ডিয়াই৷ এয়াৰ ইণ্ডিয়াৰ কৰ্তৃপক্ষই ঘোষণা কৰিছে যে আন্তৰ্জাতিক উৰণৰ ক্ষেত্ৰত তেওঁলোকে এইবাৰ ১৫ শতাংশ বিমান কম চলাব৷
তেওঁলোকে জুলাই মাহত মাজে মাজে স্থগিত ৰাখিব৷ ১২ জুনত আহমেদাবাদত এয়াৰ ইণ্ডিয়াৰ বিমান দুৰ্ঘটনাৰ পাছতেই এই সিদ্ধান্তক এয়াৰ ইণ্ডিয়াক বেকফুটলৈ ঠেলি দিব৷ এয়াৰ ইণ্ডিয়াৰ পক্ষৰ পৰা কোৱা হৈছে আন্তৰ্জাতিক উৰাণৰ ক্ষেত্ৰত তেওঁলোকে বহু বেছি সুবিধা দিবলৈ আগ্ৰহী৷ সেয়ে তেওঁলোকে আন্তৰ্জাতিক উৰান কিছু কমাই সেই সময়তেই প্ৰতিখন বিমানক ভালকৈ পৰীক্ষা নিৰীক্ষা কৰিব৷
নিজৰ এক্স হেণ্ডেলত এয়াৰ ইণ্ডিয়াই লিখিছে, মধ্যপ্ৰাচ্যত ভৌগোলিক কাৰণত তেওঁলোকে এই সিদ্ধান্ত লৈছে৷ যেনেকৈ ইৰাণ আৰু ইজৰাইলৰ মাজত যুদ্ধৰ পৰিস্থিতি তৈয়াৰ হৈছে তাৰবাবে ইউৰোপ আৰু পূৰ্ব এছিয়াত নাইট কাৰ্ফিউ চলিছে৷ ফলত নিৰাপত্তাৰ দিশটো মূৰত ৰাখিয়েই উৰান বন্ধ ৰখাৰ সিদ্ধান্ত লৈছে এয়াৰ ইণ্ডিয়াই৷
ইয়াৰোপৰি এয়াৰ ইণ্ডিয়াৰ বিমানত যি মাজে মাজে যান্ত্ৰিক ত্ৰুটি ধৰা পৰিছে সেইসমূহ ভালকৈ চোৱাটো প্ৰয়োজন৷ ফলত এই সময়ত তেওঁলোকে এই কাম কৰিব৷ এই অসুবিধাৰ বাবে তেওঁলোকে যাত্ৰীৰ ওচৰত ক্ষমাও বিচাৰিছে৷ কেতিয়াৰে পৰা স্বাভাৱিক উৰান আৰম্ভ হব সেই কথা এতিয়াও জনোৱা নাই৷ যদি যাত্ৰীসকলৰ কোনো অসুবিধা হয় তেনিতে অতি দ্ৰুতগতিত নিজৰ ধন উভতাই পাব যাত্ৰীয়ে বুলিও আশ্বাস দিছে৷
এয়াৰ ইণ্ডিয়াৰ পক্ষৰ পৰা কোৱা হৈছে আহমেদাবাদ বিমান দুৰ্ঘটনাৰ কাৰণো তেওঁলোকে পৰীক্ষা কৰি আছে৷ ইতিমধ্যে এয়াৰ ইণ্ডিয়াৰ ২৬খনকৈ বিমান ছাৰ্ভিছৰ বাবে পঠিওৱা হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
