অসম লাইভ২৪ঃ এতিয়া তেওঁ বলীউডৰ খিলাড়ী। কোটি টকাৰ নায়ক তেওঁ। অক্ষয়ৰ কেৰিয়াৰৰ আৰম্ভণি আছিল কষ্টেৰে ভৰা। কেতিয়াবা যদি কলকাতাৰ ৰাস্তাত চাউমিন বনাইছিল কেতিয়াবা আকৌ মুম্বাইৰ সৰু-সুৰা কাৰ্যালয়ত চাকৰিও কৰিছিল। কষ্টৰ দিনতো অক্ষয়ৰ লক্ষ্য অটল বলীউডত এদিন কাম কৰিবই।
সেই সংগ্ৰামৰ দিনবোৰক আজিও মনৰ পৰা মচি দিব পৰা নাই অক্ষয়ে। সেই সময়ৰ কথা ভাৱিলে আজিও অক্ষয়ৰ চকুৰ সন্মুখত ভাঁহি উঠে মুম্বাইৰ এখন জৰাজীৰ্ণ ঘৰৰ কথা। যৰ পৰা আৰম্ভ হৈছিল অক্ষয়ৰ বলীউড যাত্ৰা। সেই বিশেষ ঘৰটোত ৫০০ টকা ভাড়াত থাকিয়েই অক্ষয়ে বলীউডত কাম কৰিবলৈ আৰম্ভ কৰিছিল।
সম্প্ৰতি এক সাক্ষাৎকাৰত অক্ষয়ে কয়, ‘মই শেহতীয়াকৈ সেই বিশেষ ঘৰটোলৈ গৈছিলো। সেই ঘৰটোলৈ গৈ জানিব পাৰো যে সেই বিশেষ ঘৰটো ভাঙি ফ্লেট তৈয়াৰৰ পৰিকল্পনা চলিছে। তেতিয়াই লগে লগে মই প্ৰমটাৰৰ সৈতে যোগাযোগ কৰো। প্ৰমটাৰক ক’লো, ঘৰটো মই ক্ৰয় কৰিম। দাম যিমান লাগে সিমান দিম। সাধাৰণ ঘৰ হ’লেই সেই ঘৰটোৱেই মোৰ সপোন দেখাৰ প্ৰথম স্থান আছিল। সেই ঘৰৰ কোঠাতেই সোমাই আছে মোৰ সংগ্ৰামৰ ঘামে ধোৱা কাহিনী।’
ঈদত মুক্তি পাব অক্ষয় কুমাৰ আৰু টাইগাৰ শ্ৰফৰ অভিনীত বড়ে মিঞা আৰু ছোটে মিঞা নামৰ ছবিখনে। এই ছবিৰ প্ৰচাৰত এতিয়া খুবেই ব্য়স্ত অক্ষয় কুমাৰ। এই প্ৰচাৰ অভিযানৰ মাজতেই অক্ষয়ে নিজৰ সংগ্ৰামৰ ইতিহাস আকৌ এবাৰ উভতি চাইছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
