অসম লাইভ ২৪ঃ যোধা আকবৰ, পদ্মাৱতৰ পাছত এইবাৰ বিতৰ্কৰ আৱৰ্তত অক্ষয় কুমাৰৰ নতুন ছবি ‘পৃথ্বীৰাজ’। ‘পৃথ্বীৰাজ’ ছবিখনক লৈ চণ্ডীগড়ত আৰম্ভ হৈছে ব্যাপক চৰ্চা। ক্ষত্ৰিয় মহাসভাই চণ্ডীগড়ত দাহ কৰে বলীউডৰ ‘খিলাড়ী’ অক্ষয় কুমাৰৰ পুত্তলিকা। মহান ৰাজপুট ৰজা পৃথ্বীৰাজ চৌহানৰ জীৱনৰ ওপৰত আধাৰিত ছবি ‘পৃথ্বীৰাজ’। ছবিখনৰ নামকৰণক লৈ সৃষ্টি হৈছে বিতৰ্কৰ। মুক্তিৰ পূৰ্বেই ‘পৃথ্বীৰাজ’ক লৈ অসন্তুষ্ট একাংশ হিন্দুত্ববাদী দল-সংগঠন। বৃহস্পতিবাৰে চণ্ডীগড়ত ছবিখনৰ বিৰুদ্ধে ক্ষত্ৰিয় মহাসভাৰ নেতৃত্বত সাব্যস্ত কৰা হৈচিল তীব্ৰ প্ৰতিবাদ। ছবিখনৰ বিৰুদ্ধে শ্ল’গান দিয়াৰ বিপৰীতে অক্ষয় কুমাৰৰ পুত্তলিকাও দাহ কৰে ক্ষত্ৰিয় মহাসভাই। প্ৰতিবাদকাৰীসকলৰ মতে, ছবিখনৰ নাম ‘হিন্দু সম্ৰাট পৃথ্বীৰাজ চৌহান’ অথবা ‘সম্ৰাট পৃথ্বীৰাজ চৌহান’ হ’ব লাগে। লগতে মুক্তিৰ পূৰ্বে ছবিখন ক্ষত্ৰিয় আৰু ৰাজপুট সম্প্ৰদায়ৰ প্ৰতিনিধিসকলৰ সমুখত প্ৰদৰ্শনীৰ ব্যৱস্থা কৰিব লাগে বুলি দাবী জনাইছে ক্ষত্ৰিয় মহাসভাই। উল্লেখ্য, ছবিখনৰ এটি গুৰুত্বপূৰ্ণ চৰিত্ৰত অভিনয় কৰিছে মিছ ৱৰ্ল্ড মানুসী চিল্লাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
