অসম লাইভ২৪ঃ মাতৃ হ’ল অভিনেত্ৰী আলিয়া ভাট্ট৷ মুম্বাইৰ হাস্পতালত আলিয়াই জন্ম দিলে এটি সন্তান৷ দেওবাৰে পুৱা ৭ বজাত এইছ এন ৰিলায়েন্স হাস্পতালত আলিয়াক ভৰ্তি কৰোৱা হৈছিল৷ ৰণবীৰ কাপুৰে আলিয়াক হাস্পতাললৈ লৈ যোৱাৰ দৃশ্য ভাইৰেল হৈ পৰিছিল সকলোতে৷ নিজৰ জন্মমাহতেই কন্যা সন্তানৰ মাতৃ হ’ল আলিয়া৷
চলিত বছৰৰ এপ্ৰিল মাহত বিবাহপাশত আবদ্ধ হৈছিল আলিয়া-ৰণবীৰ৷ বিগত জুন মাহত সন্তান সম্ভৱা হোৱাৰ ভালখবৰটো সামাজিক মাধ্যমযোগে শ্বেয়াৰ কৰিছিল আলিয়া-ৰণবীৰে৷ জীৱনৰ প্ৰথম হলিউড ছবি ‘হাৰ্ট অফ ষ্টোন’-ৰ শ্বুটিঙৰ সময়তে এই ভাল খবৰ শ্বেয়াৰ কৰিছিল আলিয়াই৷ তাৰ পিছৰ ৫ মাহতেই আলিয়া-ৰণবীৰৰ মাজলৈ আহিল এই ভাল খবৰ৷ পৃতিৱীৰ পোহৰ দেখা মাত্ৰকেই আলিয়াৰ পিতৃ মহেশ ভাট্টে আনন্দতে ক’লে, ‘এইয়া নতুন সুৰ্যোদয়৷’
অপেক্ষাৰ অন্তত অহা ভাল খবৰটোৱে সুখী কৰিছে কাপুৰ পৰিয়ালকো৷ আলিয়াক হাস্পতাললৈ লৈ যোৱাৰ পিছতেই হাস্পতাল অভিমূখে ৰাওনা হৈছিল কাপুৰ পৰিয়ালৰ আন সদস্যসকল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
