অসম লাইভ২৪ঃ ‘হাতে হাত ধৰি আমি আগুৱাম…’ ব্ৰহ্মাস্ত্ৰৰ প্ৰচাৰ অভিযানৰ সময়ৰে পৰাই আলিয়া-ৰণবীৰক হাতে-হাত ধৰি দেখা গৈছে বিভিন্ন অনুষ্ঠানত। বিবাহৰ পিছতেই দুয়ো ব্যস্ত হৈ পৰিছিল ব্ৰহ্মাস্ত্ৰৰ প্ৰচাৰত। ছবিখনৰ সফলতাৰ সময়তেই এইবাৰ ৰণবীৰৰ ওপজা দিন বিশেষভাৱে পালনৰ বাবে সাঁজু হৈছে আলিয়া।
বিয়াৰ পিছত স্বামীৰ প্ৰথমটো ওপজা দিন। স্বামীৰ ওপজা দিনটোক এক্সট্ৰা স্পেছিয়েল কৰাত ব্যস্ত হৈছে আলিয়া। ৰণবীৰ কাপুৰৰ ৪০সংখ্যক ওপজা দিনৰ প্ৰাকক্ষণত পোহৰলৈ অহা কেইখনমান ছবিয়ে লাভ কৰিছে চৰ্চা। আকাশ আম্বানী, অয়ন মুখপাধ্যায়ৰ সৈতে বহু নামী দামী ব্যক্তি উপস্থিত থকা পাৰ্টীৰ কেইখনমান ছবি ভাইৰেল হোৱাৰ পিছতেই জন্মদিনৰ মূল পাৰ্টী কেনেকুৱা হ’ব সেইয়া চাবলৈ উদগ্ৰীৱ হৈ পৰিছে একাংশ নেটিজেন।
ইফালে আলিয়াৰ এগৰাকী ঘনিষ্ঠ ব্যক্তিয়ে প্ৰকাশ কৰা অনুযায়ী বিয়াৰ পিছত আলিয়াই ৰণবীৰৰ সৈতে অন্তৰংগ সময় অতিবাহিত কৰাৰ সুযোগ পোৱা নাছিল। কামৰ হেঁচাত দুয়োয়ে একেলগে সময় কটোৱাৰ বিশেষ সুযোগেই লাভ কৰা নাছিল সেয়ে RK-ৰ জন্মদিনৰ দিনাই একেলগে সময় অতিবাহিত কৰিবলৈ আলিয়াই সকলো আয়োজনেই ইতিমধ্যে সম্পূৰ্ণ কৰি তুলিছে।
দিনটোৰ প্লেন অনুযায়ী আলিয়াই RK-ৰ প্ৰিয় ৰেষ্টোৰাত একেলগে খাদ্য গ্ৰহণৰ দিহা কৰিছে। একেলগে দিনটো কটাবৰ বাবেই পূৰ্বেই বাৰ্থডে পাৰ্টীৰ আয়োজন কৰিলে নেকি কাপুৰ পৰিয়ালে সেই বিষয়েও নেটিজেনে চৰ্চা কৰা পৰিলক্ষিত হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
