NDAৰ পৰীক্ষাত বহিব পাৰিব মহিলা পৰীক্ষাৰ্থী, উচ্চতম ন্যায়ালয়ৰ ৰায়ৰ ভিত্তিত কেন্দ্ৰৰ সিদ্ধান্ত

অসম লাইভ ২৪ঃ NDAৰ প্ৰৱেশ পৰীক্ষাত মহিলা পৰীক্ষাৰ্থীক বহাৰ অনুমতি৷ ভাৰতত প্ৰথমবাৰৰ বাবে NDAৰ প্ৰৱেশ পৰীক্ষাত অৱতীৰ্ণ হ’ব মহিলা পৰীক্ষাৰ্থী৷ উচ্চতম ন্যায়ালয়ৰ এক ৰায়ৰ ভিত্তিত কেন্দ্ৰই গ্ৰহণ কৰে এই সিদ্ধান্ত৷ চলিত বৰ্ষৰ নবেম্বৰত অনুষ্ঠিত হ’ব পৰীক্ষা৷ পূৰ্বে কেৱল পুৰুষ পৰীক্ষাৰ্থীহে অৱতীৰ্ণ হ’ব পাৰিছিল আৰু National Defence Academyত ভৰ্তি হ’ব পাৰিছিল৷ কিন্তু এই বৰ্ষৰ পৰা মহিলাসকলো ভৰ্তি হ’ব পাৰিব NDAত৷ ২০২২ত অনুষ্ঠিত হ’বলগীয়া প্ৰৱেশ পৰীক্ষাত মহিলা পৰীক্ষাৰ্থীৰ অনুমতি সন্দৰ্ভত প্ৰতিৰক্ষা মন্ত্ৰ্যালয়ে উচ্চতম ন্যায়ালয়ক জনাইছিল যদিও অগ্ৰিম জাননীযোগে চলিত বৰ্ষতেই মহিলাক পৰীক্ষাত বহাৰ অনুমতি দিবৰ বাবে নিৰ্দেশ দিয়ে ছুপ্ৰিম কৰ্টে৷ ছোৱালীসকলৰ আশাক প্ৰত্যাখ্যান কৰিব নোৱাৰো বুলি উল্লেখ কৰি এই নিৰ্দেশ প্ৰদান কৰে উচ্চতম ন্যায়ালয়ে৷ সেই নিৰ্দেশৰ ভিত্তিতেই মহিলা পৰীক্ষাৰ্থীৰ অনুমতি প্ৰসংগত নিৰ্দেশনা জাৰি কৰে কেন্দ্ৰই৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ