অসম লাইভ২৪ঃ বিমান যাত্ৰীৰ বাবে নতুন কেইবাটাও নিৰ্দেশনা ভাৰতীয় স্বাস্থ্য মন্ত্ৰণালয়ৰ। স্বাস্থ্য সচিবে অসামৰিক বিমান পৰিবহন মন্ত্ৰালয়ক প্ৰদান কৰিছে বিশেষ পত্ৰ। কভিড সম্পৰ্কীয় কেইবাটাও নিৰ্দেশনা সম্বলিত পত্ৰ প্ৰেৰণ কৰাৰ পাছতেই ২৪ ডিচেম্বৰৰ পৰা কাৰ্যকৰী হৈছে এই নিৰ্দেশনা। এই নিৰ্দেশনাসমূহ সকলো যাত্ৰীয়েই মানিব লাগিব বুলিও জনাইছে স্বাস্থ্য মন্ত্ৰণালয়ে। বিশেষকৈ আন দেশৰ পৰা অহা যাত্ৰীসকলৰ বাবে থাকিব বিশেষ কেইটামান নিৰ্দেশনা। এইসকল যাত্ৰীৰ বাবে মন্ত্ৰালয়ে কিছুমান নিয়ম নিৰ্ধাৰণ কৰিছে। এই নিয়মসমূহ কি কি?
নিৰ্দেশনাৱলীত প্রথমেই উল্লেখ থকা অনুযায়ী, বিমানখনত যাত্ৰা কৰা মুঠ যাত্ৰীৰ দুই শতাংশৰ যাদৃচ্ছিক নমুনা লৈ ক’ভিড পৰীক্ষা কৰিব লাগিব। দ্বিতীয়তে আছে বিভিন্ন দেশৰ পৰা অহা এই যাত্ৰীসকল কৰ পৰা আহিছে সমূহ সংশ্লিষ্ট ডাটা বিমান সংস্থাই চিনাক্ত কৰিব লাগিব। তৃতীয়তে, নিৰ্দেশনাত কোৱা হৈছিল যে যাত্ৰীসকলে তেওঁলোকৰ ক’ভিড পৰীক্ষাৰ বাবে নমুনা দিয়াৰ পিছতহে বিমানবন্দৰ এৰিব পাৰিব। চতুৰ্থতে, পৰীক্ষাত কোনো ব্যক্তিৰ যদি পজিটিভ পায় তেন্তে আইডিএছপিক অৱগত কৰিব লাগিব যাতে সংশ্লিষ্ট ৰাজ্যসমূহক ইয়াৰ বিষয়ে অৱগত কৰিব পৰা যায়। পঞ্চমতে, পজিটিভসকলৰ জিনোম অনুক্ৰমৰ বাবে প্ৰেৰণ কৰিব লাগিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
