অসম লাইভ২৪ঃ কভিডৰ ভয়াৱহতা পুনৰ বৃদ্ধি পোৱাৰ লগে লগেই ভেকচিনৰ প্ৰসংগও উত্থাপিত হৈছে৷ যি সকলে কেৱল ভেকচিনৰ দুটা ড’জ লৈছিল তেওঁলোকে বুষ্টাৰ ড’জ লোৱাটোও বাধ্যতামূলক বুলি জনাইছে স্বাস্থ্য মন্ত্ৰণালয়ে৷ কিন্তু এইবাৰ কেনেকৈ দিয়া হ’ব এই ভেকচিন সেই বিষয়টোৱেহে সমগ্ৰতে চৰ্চা লাভ কৰিছে৷ কিয়নো এইবাৰ বুষ্টাৰ ড’জ নাকেৰে দিয়া হ’ব৷ নাকেৰে কেনেকৈ দিব, সেই বিষয়টোক লৈ সংকিত হৈ পৰিছে সাধাৰণ জনতা৷
চৰকাৰে আজিৰে পৰাই প্ৰাপ্তবয়স্কসকলক বুষ্টাৰ ড’জ দিয়া আৰম্ভ কৰিছে৷ কিন্তু নাকেৰে কেনেকৈ দিয়া হৈছে এই বুষ্টাৰ ড’জ? ভাৰতত তৈয়াৰ কৰা এই বুষ্টাৰ ড’জ দুই টোপাল নাকেৰে দিয়া হ’ব৷ nasal vaccine iNCOVACC আজিৰে পৰা ক’উইন এপযোগে বুক কৰিব পাৰিব৷
ভাৰত বায়টেকে প্ৰস্তুত কৰা এই নজেল ড’জ ইনকোভাচি ভেকছিন প্ৰথমে এটা ব্যক্তিগত কেন্দ্ৰত উপলব্ধ হ’ব। যিসকলে ইতিমধ্যে কভিশ্বিল্ড বা কভাক্সিন ভেকচিন লৈছে তেওঁলোকে হেটেৰোলোগাছ বুষ্টাৰ পালি গ্ৰহণ কৰিব পাৰে। এই ভেকছিন ল’বলৈ পূৰ্বৰ দুটা ভেকচিন লোৱাটো বাধ্যতামূলক৷ উল্লেখ্য যে বেজী অবিহনে দিয়া হ’ব এই বুষ্টাৰ ড’জ৷ এই ভেকছিন বিগত নৱেম্বৰৰ পৰা সীমিত জৰুৰীকালীন ব্যৱহাৰৰ বাবে ভাৰতীয় ঔষধ নিয়ন্ত্ৰকে অনুমোদন জনাইছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
