অসম লাইভ২৪ঃ অংকিতা লোখাণ্ডে আৰু ভিকি জৈনৰ বিবাহৰ মাত্ৰ দুবছৰ যদিও বৈবাহিক জীৱনৰ তিক্ত অভিজ্ঞতাই যেন যুগ যুগ ধৰি চুইছে অংকিতাক। জীৱনটোক ভাললগা ধৰণে সজাবলৈ লোৱাৰ সময়ত পূৰ্বেও উজুটি খাইছিল অভিনেত্ৰী অংকিতাই। তাৰপিছতেই বহু ভাৱিগুণি বিকি জৈনৰ সৈতে বিবাহপাশত আৱদ্ধ হয় অংকিতা। ২০২১ চনত বিকি জৈনৰ সৈতে অংকিতাই বিবাহপাশত আৱদ্ধ হয়।
বিগ বছ-১৭ত বিকি আৰু অংকিতাই একেলগে এণ্ট্ৰী মাৰিছে। তাত ভৰি দিয়াৰ পাছতেই বিকি আৰু অংকিতাৰ সম্পৰ্কত যেন দূৰত্ব আহিছে। এই শ্ব’ত আহিয়েই আকৌ এবাৰ অংকিতাই ৰোমন্থন কৰিছে সুশান্তৰ সৈতে থকা সম্পৰ্কৰ কথা। বাৰে বাৰে অংকিতাৰ মুখত শুনা গৈছে প্ৰাক্তন প্ৰেমিক সুশান্তৰ কথা। এই শ্ব’ত দেখা অনুসৰি বিকি আৰু অংকিতাৰ সম্পৰ্ক যেন কৰোবাত মধুৰ নহয়।
অংকিতাই বিবাহত সম্পৰ্কৰ কথা কওঁতেই বহুসময়ত উল্লেখ কৰিছে যে, বিয়া হোৱাৰ দুবছৰ হ’ল যদিও তেওঁলোক দুয়ো পৃথকে পৃথকেই থাকে। বিতৰ্কিত শ্ব’ বিগ বছতো কথাই কথাই বিকিয়ে অংকিতাক অপমান কৰা দেখা গৈছে। অংকিতাক কৰা অপমানক লৈ ইতিমধ্যেই তেওঁৰ অনুৰাগীমহলে শ্বেয়াৰ কৰিছে নানান পোষ্ট। বিবাহৰ পূৰ্বে অংকিতা আৰু বিকিৰ মাজত আছিল দুবছৰীয়া প্ৰেমৰ সম্পৰ্ক। প্ৰেমৰ অন্ততেই দুয়ো বিবাহপাশত আৱদ্ধ হৈছিল। অংকিতাৰ স্বামী বিকিৰ বন্ধুত্বসুলভ আচৰণক বহুতে প্ৰশংসা কৰিলেও অংকিতাৰ প্ৰতি বিকিৰ আচৰণক কিন্তু সকলোৱে সমালোচনা কৰিছে। নেটিজেনে বিকিক টক্সিক আখ্যাও দিছে। এই বিষয়টোক লৈ ছলমানেও ধমকি দিছে অংকিতাৰ স্বামী বিকি জৈনক।
ছলমানৰ গালিয়েও যে গা লৰাব পৰা নাই বিকিৰ সেই কথা চলিত বিগবছৰ এপিচোডসমূহতেই স্পষ্ট। বিবাহৰ পাছতো কিয় অংকিতা বিকিৰ সৈতে নাথাকে সেই কাৰণ মুকলিকৈ নকলেও বিকিৰ আচৰণেই কৰোবাত সেই কথাৰ প্ৰমাণ দিছে। বিকি ব্যৱসায়ী যাৰবাবে তেওঁ বেছিভাগ সময়তেই ছত্তীছগড়ৰ বিলাসপুৰত থাকে। অংকিতাই এই সন্দৰ্ভত কয়, ‘বিবাহৰ পাছত খুব বেছি ২০ দিনহে আমি লগত আছো। বিকিয়ে ব্যৱসায়ৰ কামত বাহিৰতেই থাকে।’ বিগ বছলৈ অংকিতাই স্বামীৰ সৈতে এণ্ট্ৰী মৰাৰ প্ৰধান কাৰণেই আছিল দুয়ো দুয়োকে ভালধৰণে লগ পোৱা, বুজি উঠা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
