আয়াৰলেণ্ডৰ বেলফেষ্টত এজন স্থানীয় ব্যক্তিক ছুডানৰ এক দুৰ্বৃত্তই ছুৰীকাঘাত কৰাৰ পিছতে এতিয়া সমগ্ৰ আয়াৰলেণ্ড প্ৰতিশোধ আৰু হিংসাৰ দাৱানলত জ্বলিছে। এই ঘটনাৰ পিছতে আয়াৰলেণ্ডত থকা আন আন দেশৰ নাগৰিকক টাৰ্গেট কৰি ব্যাপক আক্ৰমণ কৰা দেখা গৈছে। ছুডানৰ দুৰ্বৃত্তটোৱে মঙলবাৰে আয়াৰলেণ্ডৰ এজন স্থানীয় লোকক ছুৰীকাঘাত কৰা ভিডিঅ’টো সামাজিক মাধ্যমত ভাইৰেল হোৱাৰ পিছত বুধবাৰৰ পৰা উত্তৰ আয়াৰলেণ্ডৰ বিভিন্ন স্থানত মুখ ঢকা শতাধিক প্ৰতিবাদকাৰীয়ে আয়াৰলেণ্ড আৰক্ষীৰ ওপৰত আক্ৰমণ চলায় আৰু একাধিক বাহনত অগ্নিসংযোগ কৰে।
ইপিনে ছুৰীকাঘাতত আহতৰ পৰিয়ালে বিবৃতিযোগে কয় যে ‘আমি স্পষ্টকৈ ক’ব বিচাৰোঁ যে নিশাৰ অশান্তি কোনোপধ্যে গ্ৰহণযোগ্য নহয়। শান্তিপূৰ্ণ প্ৰতিবাদেই আগবাঢ়ি যোৱাৰ একমাত্ৰ পথ। আমাৰ দেশত বহু অভিবাসী(Immigrant) আছে যিসকলে সমাজ আৰু দেশৰ উন্নয়নত অত্যন্ত মূল্যৱান অৱদান আগবঢ়াই আহিছে। এই কৰুণ ঘটনাৰ বাবে মানুহৰ মাজত বিভাজন সৃষ্টি কৰা, প্ৰতিহিংসাৰ জুইত সমগ্ৰ উত্তৰ আয়াৰলেণ্ড জ্বলি উঠাটো কাৰো কাম্য নহয়।
আক্ৰমণ পিছতে হোৱা ঘটনাৰাজি সন্দৰ্ভত আয়াৰলেণ্ডৰ প্ৰধানমন্ত্ৰীৰ মন্তব্য
এই আক্ৰমণৰ ঘটনাৰ পিছতে উদ্ভৱ হোৱা পৰিস্থিতি সন্দৰ্ভত সংসদত ভাষণ প্ৰদান কৰি প্ৰধানমন্ত্ৰী কিয়াৰ ষ্টাৰ্মাৰে কয় যে-এই আক্ৰমণে বহু গুৰুত্বপূৰ্ণ প্ৰশ্ন উত্থাপন কৰিছে, কিন্তু ‘মানুহক নিজৰ ঘৰ এৰি যাবলৈ বাধ্য কৰাটো ইয়াৰ কোনো সঠিক উত্তৰ হ’ব নোৱাৰে।’ তেওঁ লগতে কয় যে- এই হিংসাত্মক কাৰ্যকলাপসমূহত জড়িত সকলো ব্যক্তিয়ে আইনৰ কঠোৰতম শাস্তিৰ সন্মুখীন হ’ব লাগিব।’ উত্তৰ বেলফাষ্টত সংঘটিত এই আক্ৰমণৰ অভিযুক্ত ৩০ বছৰীয়া ছুডানী নাগৰিক হাদি আলোদিদক ইতিমধ্যে গ্ৰেপ্তাৰ কৰি আদালতত হাজিৰ কৰোৱা হৈছে। আলোদিদৰ বিৰুদ্ধে ষ্টিফেন অ’গিলভিক নামৰ স্থানীয় আয়াৰলেণ্ডৰ লোকজন হত্যাৰ চেষ্টাৰ অভিযোগ উত্থাপন কৰা হৈছে। কেৱল এয়াই নহয় এগৰাকী চিকিৎসাকৰ্মীকো হত্যাৰ ভাবুকি দিয়াৰ অভিযোগ উত্থাপিত হৈছে আলোদিদৰ বিৰুদ্ধে।
উল্লেখ্য যে ষ্টিফেন অ’গিলভি নামৰ লোকজনক মুখমণ্ডল আৰু পিঠিত ছুৰীৰে আক্ৰমণ কৰিছিল অভিযুক্ত ছুডানিজ নাগৰিকজনে। যাৰ ফলত ষ্টিফেনৰ এটা চকু সম্পূৰ্ণৰূপে নষ্ট হৈ যায়। বৰ্তমান । ষ্টিভেন বেলফাষ্টৰ এখন চিকিৎসালয়ত সংকটজনক অৱস্থাত চিকিৎসাধীন হৈ আছে।
আক্ৰমণৰ পিছতে প্ৰতিহিংসাৰ দাৱানলত জ্বলি উঠে উত্তৰ আয়াৰলেণ্ড
মঙলবাৰে সংঘটিত এই ঘটনাৰ ভিডিঅ’সমূহ ছ’চিয়েল মিডিয়াত ব্যাপকভাৱে প্ৰচাৰ হোৱাৰ পিছত সামাজিক মাধ্যমত হিংসাত্মক প্ৰতিবাদে গা কৰি উঠে। কেইবাটাও অভিবাসী লোকৰ ঘৰত মুখমণ্ডল ঢাকা প্ৰতিবাদকাৰীয়ে অংগ্নিসংযোগ কৰে। কেইবাখনো ব্যক্তিগত বাহন, বাছতো প্ৰতিবাদকাৰীয়ে অগ্নিসংযোগ কৰে।
এই প্ৰতিবেদন যুগুতাইছে মানসজ্যোতিয়ে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
