এটি ৰহস্যময় অলৌকিক গুহা, যিয়ে সকলো সময়তে ৰক্ষা কৰে গাঁওবাসীক। শতিকা শতিকা জুৰি গুহাটোৰ বাবে গাঁওখনলৈ অহা নাই কোনো প্ৰাকৃতিক দুৰ্যোগ। এই গুহাটো আছে মধ্যপ্ৰদেশৰ সাগৰ চহৰৰ পৰা প্ৰায় ২০ কিলোমিটাৰ দূৰত, মৈহৰ নামৰ এখন গাঁৱত। এই গাঁওখন মূলতঃ হিংলাজ দেৱী মাতাৰ মন্দিৰৰ বাবে পৰিচিত যদিও ইয়াৰ সৈতে পাণ্ডৱসকলৰ এক বিশেষ সম্পৰ্ক থকাৰ জনশ্ৰুতি আজিও প্ৰচলিত হৈ আছে। গাঁওখনত থকা এটা ৰহস্যময় গুহা! যাক লৈ স্থানীয় লোৰ মাজত আছে বিভিন্ন প্ৰবাদত। গাঁওখনৰ নাম “মৈহৰ” হোৱাৰ আঁৰত থকা কাহিনী আৰু ইয়াত অৱস্থিত গুপ্তেশ্বৰ মহাদেৱকো পাণ্ডৱসকলৰ সৈতে জড়িত বুলি বিশ্বাস কৰা হয়। ইয়াৰ উপৰিও গুহাটোৰ ভিতৰত প্ৰৱেশ কৰা এখন বিয়াৰ বৰযাত্ৰী আজিলৈকে উভতি নাহিল বুলি এক জনবিশ্বাসো প্ৰচলিত হৈ আছে।
গুহাটোক লৈ গাঁওবাসীৰ মাজত নানা ধৰণৰ কাহিনী শুনা যায়। কোৱা হয়, বহু বছৰ আগতে এজন গোৱালে মন্দিৰৰ ওচৰৰ এই গুহাৰ ভিতৰেদি সোমাই গৈ নদীৰ ধাৰত ওলাই আহিছিল। আন কিছুমানে ইয়াক এক গুপ্তপথ বুলি বিশ্বাস কৰে। গাঁওবাসীয়ে জনায় যে আগতে ইয়াত কেৱল পাথৰত খোদিত অপূৰ্ব নক্সাৰে সজোৱা এটা সৰু মঠ আছিল। বহু বছৰ আগতে শংকৰ পুৰী মহাৰাজ নামৰ এজন মহন্ত ইয়ালৈ আহে, তেওঁৰ শিষ্য হংস পুৰী মহন্তজীয়ে পুৰণি মন্দিৰটো আঁতৰাই নতুনকৈ নিৰ্মাণ কৰাইছিল। সেই সময়ত দেৱী মাতাক মাটিৰ পৰা এটা মহল ওপৰত প্ৰতিষ্ঠা কৰা হৈছিল। এই মন্দিৰৰ ওচৰতে প্ৰায় পাঁচ ফুট গভীৰতাত ভোলেনাথৰ এটা শিৱলিংগ অৱস্থিত, যাক গুপ্তেশ্বৰ মহাদেৱ নামেৰে জনা যায়। কিছুবছৰ আগতে শিৱলিংগটোক মাটিৰ সমতললৈ অনাৰ উদ্দেশ্যে খননকাৰ্য আৰম্ভ কৰা হৈছিল। কিন্তু গাঁওবাসী আৰু মহন্তসকলৰ সকলো প্ৰচেষ্টা ব্যৰ্থ হয়। গুপ্তেশ্বৰ মহাদেৱ এক ইঞ্চিও স্থানচ্যুত নহ’ল। ফলত, শতিকা ধৰি যিদৰে আছে, তেনেদৰেই তেওঁক থাকিবলৈ দিয়া হয়। স্থানীয় বিশ্বাস অনুসৰি, এই গুপ্তেশ্বৰ মহাদেৱক পাণ্ডৱসকলেই ইয়াত প্ৰতিষ্ঠা কৰিছিল।
ধুমুহা-বতাহেও নষ্ট নকৰে গাঁওবাসীৰ খেতি
গাঁওবাসীৰ মতে, এই সমগ্ৰ অঞ্চলত দেৱীৰ বিশেষ আশীৰ্বাদ আছে। ইয়াত কেতিয়াও ধুমুহা, শিলাবৃষ্টি বা বানপানীৰ দৰে প্ৰাকৃতিক দুৰ্যোগে খেতিৰ বিশেষ ক্ষতি কৰিব নোৱাৰে। বিশেষকৈ, এই গাঁওখনত আজিলৈকে কেতিয়াও শিলাবৃষ্টি হোৱা নাই বুলি স্থানীয় লোকসকলে দাবী কৰে। তেওঁলোকৰ বিশ্বাস, হিংলাজ মাতাৰ কৃপা আৰু সুৰক্ষাৰ বাবেই গাঁওখন সদায় সুৰক্ষিত হৈ আছে। স্থানীয় লোকৰ মতে গাঁওখনত থকা গুহাটো কিছুবছৰ আগতে এগৰাকী মহন্তই এটা ডাঙৰ পাথৰৰ শিলাৰে বন্ধ কৰাইছিল। জনবিশ্বাস অনুসৰি, এই গুহাৰ পৰা বিভিন্ন ঠাইলৈ যোৱাৰ পথ আছিল যদিও সেই পথসমূহ ক’লৈ যায় সেয়া আজিও এক ৰহস্য হৈয়ে আছে।
এই প্ৰতিবেদন যুগুতাইছে মানসজ্যোতিয়ে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
