অসম লাইভ২৪ঃ ২২ অক্টোবৰ দেওবাৰ অষ্টমী তিথি। এই তিথিত দুৰ্গা দেৱীক অঞ্জলী দিবলৈ ভিৰ কৰে ভক্তই। এই সময়ত দুৰ্গাৰ প্ৰিয় ফুল দি অঞ্জলি দিলে দেৱী প্ৰসন্ন হয় বুলি লোকবিশ্বাস। জ্যোতিষ অনুযায়ী পদ্ম, জৱা, গোলাপ আদি ফুল দুৰ্গাৰ অঞ্জলিত ব্যৱহাৰ কৰা হয়। এই ফুল দি পূজা কৰিলে দেৱী প্ৰসন্ন হয়। দুৰ্গাষ্টমীৰ অঞ্জলি নিজৰ ৰাশি অনুসৰি কি ফুল দিলে শুভ সেই কথাও শাস্ত্ৰত উল্লেখ আছে। দশভূজাৰ বিশেষ আশীৰ্বাদ লাভ কৰিবলৈ এইকেইটা নিয়ম মানি চলাটো নিতান্তই প্ৰয়োজন।
মেষ ৰাশি
এই ৰাশিৰ জাতকে জৱা, গোলাপ, ৰঙা পদুম বা যিকোনো ৰঙা ফুলেৰে অঞ্জলি দিয়াটো শুভ। ইয়াৰ ফলত দুৰ্গা প্ৰসন্ন হয় আৰু মঙল গ্ৰহৰ দুষ্প্ৰভাৱৰ পৰা মুক্তি দিয়ে এই ৰাশিৰ জাতকক।
বৃষ ৰাশি
শ্বেতপদ্ম, জৱা, শেৱালীকে ধৰি যিকোনো বগা ফুলেৰে দেৱীক আৰাধনা কৰিব পাৰে। দেৱীক এই ফুল নিবেদন কৰিলে শুক্ৰৰ দোষ দূৰ হয়।
মিথুন ৰাশি
শাস্ত্ৰমতে মিথুন ৰাশিৰ জাতকে অষ্টমীত অঞ্জলি দিওতে হালধীয়া জৱা, নাৰ্জী ফুলকে ধৰি যিকোনো হালধীয়া ফুল আগবঢ়াব পাৰে। ইয়াৰ মাধ্যমেৰে নিজৰ অভীষ্ট কাম সিদ্ধ কৰাৰ ওপৰিও বুধৰ কৃপা লাভ কৰিব পাৰে।
কৰ্কট ৰাশি
কৰ্কট ৰাশিৰ জাতকে বগা পদ্ম, বগা জৱা, চামেলিকে ধৰি যিকোনো বগা ফুলেৰে দেৱীক অঞ্জলি দিব পাৰে। এনেকৈ অঞ্জলি দিলে চন্দ্ৰ দোষ শেষ হয়।
সিংহ ৰাশি
সিংহ ৰাশিৰ জাতকে পদ্ম, জৱা, গোলাপ দি অঞ্জলি দিলে দেৱী দূৰ্হা প্ৰসন্ন হয়। জৱা ফুল দুৰ্গা আৰু সূৰ্যৰ অত্যন্ত প্ৰিয়।
কন্যা ৰাশি
কন্যা ৰাশিৰ জাতকে গোলাপ, নাৰ্জী, শেৱালী বা যিকোনো সুগন্ধি ফুলেৰে দেৱীক আৰাধনা কৰিব পাৰে। ইয়াৰ ফলত কন্যা ৰাশিৰ জাতকৰ মনোকামনা পূৰ্ণ হ’ব আৰু বুধৰ শুভ ফল লাভ কৰিব।
তুলা ৰাশি
বগা পদুম, নাৰ্জী, জৱা, শেৱালী আদিলে দূৰ্গাৰ অঞ্জলি দিব পাৰে। ইয়াৰ ফলত দেৱীৰ আশীৰ্বাদ লাভ কৰাৰ ওপৰিও শুক্ৰৰ কৃপা লাভ কৰিব পাৰে।
বৃশ্চিক ৰাশি
বৃশ্চিক ৰাশিৰ জাতকে হালধীয়া ফুল গোলপীয়া ফুলেৰে অঞ্জলি দিলে শুভ ফল লাভ কৰিব। অষ্টমীৰ দিনা দুৰ্গাক ৰঙা পদুম নিবেদন কৰিলে পৰিয়ালত সমৃদ্ধি বৃদ্ধি পাব। ইয়াৰোপৰি মঙলৰ দুষ্প্ৰভাৱ কমিব।
ধনু ৰাশি
পদুম ফুল, জৱা, গোলাপ, নাৰ্জী ফুলেৰে দুৰ্গাষ্টমীৰ অঞ্জলি দিয়া হয়? এই ফুল দি পূজা কৰিলে দুৰ্গাৰ আশীৰ্বাদ আৰু বৃহস্পতিৰ কৃপা লাভ কৰিব পাৰিব।
মকৰ ৰাশি
মকৰ ৰাশিৰ জাতকৰ প্ৰিয় হৈছে নীলা ফুল। নীলা ৰঙৰ যিকোনো ফুলেৰে দেৱীক অঞ্জলী দিব পাৰে এই ৰাশিৰ জাতকে। ইয়াৰ ফলত শনিৰ দুষ্প্ৰভাৱ কমিব।
কুম্ভ ৰাশি
এই ৰাশিৰ জাতকেও নীলা ফুল অঞ্জলিত দিব পাৰে। ইয়াৰ ফলত শনিৰ আশীৰ্বাদ পোৱা সম্ভৱ।
মীন ৰাশি
হালধীয়া ফুলেৰে এই ৰাশিৰ জাতকে অষ্টমীৰ পূজা দিব পাৰে। ইয়াৰ ফলত মীন ৰাশিৰ জাতকে দুৰ্গাৰ আশীৰ্বাদ পোৱাৰ ওপৰিও বৃহস্পতিৰ দুষ্প্ৰভাৱৰ পৰা মুক্তি লাভ কৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
