Assam Board 12th Result 2026: আজি ঘোষণা হ’ল উচ্চতৰ মাধ্যমিক চূড়ান্ত পৰীক্ষাৰ ফলাফল। অসম উচ্চতৰ মাধ্যমিক শিক্ষা পৰিষদে দ্বাদশ শ্ৰেণীৰ চূড়ান্ত বৰ্ষৰ ফলাফল ঘোষণা কৰিব। ছাত্ৰ-ছাত্ৰীসকলে অফিচিয়েল ৱেবছাইট site.sebaonline.org ত নিজৰ মাৰ্কশ্বীট ডাউনলোড কৰিব পাৰিব। আজি ১২ টাকৈ ৱেবছাইটত উপলব্ধ হৈছে ফলাফল। সেইকেইটা হৈছে, https://ahsec.assam.gov.in, https://iresults.net, https://www.indiaresults.com, https://www.vidyavision.com, https://www.assamresult.in, https://www.jagranjosh.com, https://www.ndtv.com, https://results.digilocker.gov.in, https://www.fastresult.in, https://www.results.shiksha, https://www.necareer.com, আদি। পূৰ্বে ঘোষণা কৰা অনুযায়ী উচ্চতৰ মাধ্যমিক চূড়ান্ত পৰীক্ষা ২০২৬ ৰ ফলাফল আজি পুৱা ১০ঃ৩০ বজাত প্ৰকাশ পাইছে। ইয়াৰ পূৰ্বে ৭ঃ৩০ বজাত আনুষ্ঠানিকভাৱে সংবাদ বিজ্ঞপ্তি প্ৰকাশ পায়।
যদি উত্তীৰ্ণৰ হাৰ জিলা ভিত্তিক চাবলৈ যাও, তেন্তে কলা শাখাত প্ৰথম উত্তীৰ্ণৰ হাৰ হিচাপে শীৰ্ষত আছে বাক্সা জিলা। বাক্সাত ৯৪.২৯ শতাংশ হৈছে উত্তীৰ্ণ, ইফালে ৯২ শতাংশৰে দ্বিতীয় স্থানত আছে দৰং জিলা আৰু ৯০.৩৫ শতাংশ উত্তীৰ্ণৰে তৃতীয় স্থানত আছে লখিমপুৰ জিলা। এইবাৰ উত্তীৰ্ণৰ হাৰ আটাইতকৈ বেয়া হৈছে কাছাৰ জিলাত। যদি শতাংশৰ হিচাপত চাবলৈ যাও, তেন্তে কলা শাখাত কাছাৰত ৫৯.৮৩ শতাংশ ছাত্ৰ-ছাত্ৰীহে উত্তীৰ্ণ হৈছে।
বাণিজ্য শাখাত প্ৰথম উত্তীৰ্ণৰ হাৰ হিচাপে শীৰ্ষত আছে মাজুলী। মাজুলীত ১০০ শতাংশ হৈছে উত্তীৰ্ণ, ইফালে ৯৮ শতাংশৰে দ্বিতীয় স্থানত আছে তামুলপুৰ আৰু ৯৬.৪৬ শতাংশ উত্তীৰ্ণৰে তৃতীয় স্থানত আছে বজালী জিলা। এইবাৰ বাণিজ্য শাখাত উত্তীৰ্ণৰ হাৰ আটাইতকৈ বেয়া হৈছে কোকৰাঝাৰ জিলাত। যদি শতাংশৰ হিচাপত চাবলৈ যাও, তেন্তে কোকৰাঝাৰত ৬৯.২৮ শতাংশ ছাত্ৰ-ছাত্ৰীহে উত্তীৰ্ণ হৈছে।
আনহাতে, বিজ্ঞান শাখাত প্ৰথম উত্তীৰ্ণৰ হাৰ হিচাপে শীৰ্ষত আছে পশ্চিম কাৰ্বি আংলং। পশ্চিম কাৰ্বি আংলঙত ৯৮.৩৬ শতাংশ হৈছে উত্তীৰ্ণ, ইফালে ৯৭.৩৬ শতাংশৰে দ্বিতীয় স্থানত আছে শিৱসাগৰ আৰু ৯৭.০১ শতাংশ উত্তীৰ্ণৰে তৃতীয় স্থানত আছে দৰং জিলা। এইবাৰ বিজ্ঞান শাখাত উত্তীৰ্ণৰ হাৰ আটাইতকৈ বেয়া হৈছে কোকৰাঝাৰ জিলাত। যদি শতাংশৰ হিচাপত চাবলৈ যাও, তেন্তে ধেমাজিত ৭০.০৩ শতাংশ ছাত্ৰ-ছাত্ৰীহে উত্তীৰ্ণ হৈছে।
পূৰ্বৰ ফলাফল
যোৱা বৰ্ষত ২০২৫ চনত ৩০ এপ্ৰিলত দ্বাদশ শ্ৰেণীৰ ফলাফল ঘোষণা কৰা হৈছিল, য’ত কলা বিষয়ত ৮১.০৩ শতাংশ, বিজ্ঞানত ৮৪.৮৮ শতাংশ, বাণিজ্যত ৮২.১৮ শতাংশ, আৰু বৃত্তিগত বিষয়ত ৬৮.৫৫ শতাংশ উত্তীৰ্ণ হৈছিল। ২০২৪ চনত ৯ মে’ত ফলাফল ঘোষণা কৰা হয়, য’ত কলা শাখাত ৮৮.২৪ শতাংশ, বিজ্ঞানত ৯০.২৯ শতাংশ আৰু বাণিজ্য শাখাত ৮৮.২৮ শতাংশ উত্তীৰ্ণ হয়। ২০২৩ চনত ৬ জুনত ব’ৰ্ডে ফলাফল ঘোষণা কৰিছিল, য’ত বিজ্ঞানত ৮৪.৯৬ শতাংশ, বাণিজ্য শাখাত ৭৯.৫৭ শতাংশ আৰু কলাত ৭০.১২ শতাংশ উত্তীৰ্ণ হৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
