মাথো ২৫০ টকাতে অসমবাসীয়ে পাব ৰন্ধন গেছ, মুখ্যমন্ত্ৰীৰ ঘোষণা
২৬ৰ নিৰ্বাচনৰ পূৰ্বে অসমবাসীলৈ সুখবৰ লৈ আহিছে মুখ্যমন্ত্ৰী হিমন্ত বিশ্ব শৰ্মাই। ঘোষণা কৰিলে এক অতিকে সুখবৰ। এইবাৰ সাধাৰণ জনতালৈ অসম চৰকাৰে আগবঢ়াইছে মাথো ২৫০ টকাতে ৰন্ধন গেছ।
অসমত বহু পৰিয়ালে মাথো ২৫০টকাতে পাব গেছ চিলিণ্ডাৰ। মুখ্যমন্ত্ৰী হিমন্ত বিশ্ব শৰ্মাৰ এই বৃহৎ ঘোষণাই এতিয়া সুখৰ ঢল নমাইছে সাধাৰণ জনতাৰ জীৱনলৈ।
অসমৰ প্ৰতিটো দৰিদ্ৰ পৰিয়ালক ২৫০টকাতে প্ৰদান কৰা হ’ব চিলিণ্ডাৰ । উজ্বলা আঁচনিৰ গেছ থকা প্ৰতিটো পৰিয়ালে লাভ কৰিব এই সুবিধা।
পাছে উজ্বলা আঁচনিৰ হিতাধিকাৰী হ’বলৈ কেনেকৈ আবেদন কৰিব আপুনি? কি কি যোগ্যতা থাকিলে ২৫০টকাতে পাব গেছ?
১৮ বছৰৰ উৰ্ধৰ মহিলাই আবেদন কৰিব পাৰিব এই আঁচনিৰ বাবে। কেৱল মহিলাইহে কৰিব পাৰিব আবেদন। PMAYকে আদি কৰি বহু আঁচনিৰ হিতাধিকাৰী হ’লেহে কৰিব পাৰিব আবেদন।
লগতে এই সুবিধা পাবৰ বাবে আবেদনৰ সময়ত কি কি তথ্য লাগিব আপোনাক? প্ৰথমে জমা দিব লাগিব KYC, আধাৰ কাৰ্ড থকাটো বাধ্যতামূলক, বেংক একাউণ্ট আৰু বেংকৰ IFSC কোডৰো প্ৰয়োজন হব। আবেদনকাৰী হ’ব লাগিব ৰেচন কাৰ্ডৰ হিতাধিকাৰী।
অধিক তথ্যৰ বাবে প্ৰশাসমৰ ফালৰ পৰা মুকলি কৰা হৈছে ২টাকৈ হেল্পলাইন নম্বৰো। 1800266-6696, টোল ফ্ৰী নম্বৰ 18002333555.
ইয়াৰ উপৰি উজ্বলা আঁচনিৰ হিতাধিকাৰী নহ’লেও কম মূল্যত লাভ কৰিব গেছ। অৱশ্যে ২৫০ৰ সলনি ৬০০টকা ভৰিব লাগিব, ৬০০ টকাতে অসমৰ প্ৰতিটো পৰিয়ালক গেছ দিব চৰকাৰে। অসমৰ জনতাক নিৰ্বাচনৰ পূৰ্বে এই বৃহৎ প্ৰতিশ্ৰুতি মুখ্যমন্ত্ৰী হিমন্ত বিশ্ব শৰ্মাৰ।
২৭ এপ্ৰিল তাৰিখ দেওবাৰে ডিব্ৰুগড়ৰ নিৰ্বাচনী সভাত এই প্ৰতিশ্ৰুতি প্ৰদান কৰে মুখ্যমন্ত্ৰীয়ে। সদৰি কৰা অনুসৰি, চলিত বৰ্ষৰে অক্টোবৰ মাহৰ পৰা এই সুবিধা লাভ কৰিব অসমৰ জনতাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
