অসম লাইভ ২৪ আগন্তুগক বৰ্ষৰ পৰা সলনি হ’ব মেট্ৰিক পৰীক্ষাৰ ফলাফল ৷ নতুন শিক্ষানীতি ২০২০ ৰ আধাৰত সলনি হ’ব মেট্ৰিক পৰীক্ষাৰ নিয়ম ৷ চৰকাৰে ঘোষণা কৰা নতুন শিক্ষানীতিৰ আধাৰত অনুষ্ঠিত হ’ব লগা মেট্ৰিক পৰীক্ষাত কেতবোৰ সাল-সলনি কৰা হৈছে ৷
ৰাষ্ট্ৰীয় শিক্ষানীতি ২০২০ ৰ আধাৰত অনুষ্ঠিত হ’ব লগা পৰীক্ষাত ১০০ নম্বৰৰ প্ৰশ্নৰ ভিতৰত ৪৫ নম্বৰ বিকল্প ধৰ্মী, ৪৫ নম্বৰ থিয়ৰী আৰু ১০ নম্বৰ ইন্টাৰনেল এছেছমেন্ট থাকিব ৷
আনহাতে, নতুন নিয়ম অনুসৰি, গণিত, বিজ্ঞান, সমাজ বিজ্ঞান আৰু ইংৰাজী বিষয়ত ৫০ শতাংশ এক নম্বৰৰ প্ৰশ্ন থাকিব ৷ আনহাতে, ৰাষ্ট্ৰীয় শিক্ষানীতিৰ আধাৰত অনুষ্ঠিত হোৱা পৰীক্ষাত প্ৰথমবাৰৰ বাবে গণিত বিষয়ৰ প্ৰশ্নকাকতৰ সোফালে উত্তৰ কৰিব পৰাকৈ খালী ঠাই ৰখা হ’ব ৷
ইফালে, দশম শ্ৰেণীৰ বাবে “পৰশ” নামৰ এখন মূল্যায়ন বৰ্ডৰ জৰিয়তে এই পৰীক্ষাৰ মান নিৰ্ণয় কৰা হ’ব। পৰীক্ষা পদ্ধতি সহজ কৰিবলৈ চেমিষ্টাৰ পদ্ধতিত মূল্যায়ন কৰা হ’ব। নতুন ৰাষ্ট্ৰীয় শিক্ষা নীতি,২০২০ ত দক্ষতাত অধিক গুৰুত্ব প্ৰদান কৰা হ’ব বুলি উল্লেখ কৰা হৈছিল।
উল্লেখ্য যে, ভাৰতৰ কেন্দ্ৰীয় কেবিনেটে বিগত ২০২০ চনৰ ২৯ জুলাইত ৰাষ্ট্ৰীয় শিক্ষা নীতি, ২০২০ ক অনুমোদন জনায়। ১৯৮৬ চনৰ শিক্ষা নীতিৰ পৰিবৰ্তন ঘটাই নতুন ৰাষ্ট্ৰীয় শিক্ষা নীতি, ২০২০ প্ৰৱৰ্তন কৰে। নতুন ৰাষ্ট্ৰীয় শিক্ষা নীতি ২০২০ এ পুৰণি ১০+২ ব্যৱস্থাৰ পৰিবৰ্তে ৫+৩+৩+৪ ব্যৱস্থা গ্ৰহণ কৰিব বুলি ৪৮৪ পৃষ্ঠাযুক্ত নতুন ৰাষ্ট্ৰীয় শিক্ষা নীতিৰ খচৰাত উল্লেখ আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
