ডিজিটেল ডেস্কঃ অসমত আৰু মাত্ৰ ২০দিন থাকিব আনন্দ মিশ্ৰ। কেইবাবছৰ ধৰি অসমত সেৱা আগবঢ়োৱা আনন্দ মিশ্ৰ নিজৰ কামৰ মাজেৰে অসমত অভূতপূৰ্ব সমাদৰ লাভ কৰিছিল। বিদায় পৰত আনন্দ মিশ্ৰ অসমক লৈ যথেষ্ট আৱেগিক হৈ পৰা দেখা গল। ২৭ডিচেম্বৰত মাজুলীত উপস্থিত হোৱাৰ পাছত আনন্দ মিশ্ৰই অসমক লৈ কেতবোৰ গুৰুত্বপূৰ্ণ মন্তব্য কৰে। তেওঁ কয়- কাম কৰিবলৈ অসমৰ নিচিনা ভাল জেগা কতোৱেই নাই। ইয়াত মোক ইমান মৰম, সন্মান দিছে মই কেতিয়াও পাহৰিব নোৱাৰিম। অসমখন মোৰ সচাঁকেয়ে বৰ মৰমৰ।
আগন্তক সময়ত কি কৰিব বুলি সাংবাদিকে সোধা প্ৰশ্নৰ উত্তৰত আনন্দ মিশ্ৰই কয় যে, ভৱিষ্যতৰ কথা কোনেও নাজানে। কিন্তু সমাজৰ বাবে আৰু মোৰ গাঁওখনৰ বাবে কিবা এটা কৰাৰ মানসেৰে মই এই সিদ্ধান্ত গ্ৰহণ কৰিছো। মোৰ গাঁৱত স্কুলৰ অভাৱ, খোৱাপানীৰ অভাৱ আদিবোৰ সমস্যা সমাধানৰ বাবে কাম কৰিম। মোৰ সৰু পৰিয়ালটোৰ সৈতে সময় কটাম। এতিয়ালৈকে এয়াই ভাৱি আছো…।
উল্লেখ কৰা প্ৰয়োজন যে, বৰ্তমান অসমত থকা আৰ এছ এছ প্ৰধান মোহন ভাগৱতকো ২৮ডিচেম্বৰত সাক্ষাত কৰিব আনন্দ মিশ্ৰই। ইতিমধ্যে সাক্ষাতৰ বাবে সময় দিছে মোহন ভাগৱতেও। মুঠৰ ওপৰত প্ৰশাসনিক সেৱাৰ পাছত এইবাৰ ৰাজনীতিতো অতি সুপৰিকল্পিতভাৱে খোজ থব বিচাৰিছে আনন্দ মিশ্ৰই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
