আকৌ অসম আৰক্ষীৰ অভিযুক্তলৈ গুলীবৰ্ষণ৷ এইবাৰ শিশু ধৰ্ষণকাৰী এগৰাকী অভিযুক্তক এনকাউণ্টাৰ কৰিছে বিশ্বনাথ আৰক্ষীয়ে৷
আৰক্ষীয়ে প্ৰকাশ কৰা মতে ৯ বছৰীয়া শিশু ধৰ্ষণকাৰী মহিম শৰ্মা নামৰ ৫৬ বছৰীয়া অভিযুক্তজনে আৰক্ষীৰ জিম্মাৰ পৰা পলায়নৰ চেষ্টা কৰোতে আৰক্ষীয়ে গুলীবৰ্ষণ কৰে৷
উল্লেখ্য যে মোনাবাৰীৰ কাঠনীবাৰীঘাটৰ মহিম শৰ্মা নামৰ ৫৬ বছৰীয়া লোকজনৰ বিৰুদ্ধে এগৰাকী কণমানি শিশু কন্যাক ধৰ্ষণৰ অভিযোগ উঠিছিল৷
লগতে পঢ়ক দুই গঞালৈ গুলীবৰ্ষণ ভাৰতীয় সেনাৰ : ডিব্ৰুগড়স্থিত AMCHত ভর্তি দুই গুলীবিদ্ধক
ইয়াৰ পাছতে স্থানীয় ৰাইজে লোকজনক কৰায়ত্ত কৰি মুখত চূণ সানি, চেন্দেলৰ মালা পিন্ধাই উত্তম মধ্যম দি গাঁৱত ঘূৰাই ফুৰে৷ পিছত ঘটনাৰ খবৰ পাই ঘটনাস্থলীত জিনজিয়া আৰক্ষী উপস্থিত হৈ অভিযুক্ত মহিম শৰ্মাক থানালৈ লৈ আনে৷
দেওবাৰে নিশা অভিযুক্ত মহিম শৰ্মাই আৰক্ষীৰ জিম্মাৰ পৰা পলায়ন কৰিবলৈ চেষ্টা কৰা বুলি আৰক্ষী সূত্ৰই প্ৰকাশ কৰিছে৷
লগতে পঢ়ক চকুৰ এই ব্যায়ামবোৰ কৰক আৰু চকুৰ দৃষ্টি ভালে ৰাখক
আৰক্ষীৰ জিম্মাত থকা অৱস্থাত মাজনিশা পলায়নৰ চেষ্টা কৰোতে আৰক্ষীয়ে অভিযুক্ত মহিম শৰ্মালৈ গুলীচালনা কৰে ৷
এখন ভৰিত গুলী লগা বলাৎকাৰী মহিম শৰ্মাক নিশাই তেজপুৰ মেডিকেল কলেজ হাস্পাতাললৈ প্ৰেৰণ কৰা হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ