চকু হৈছে মানুহৰ শৰীৰৰ আটাইতকৈ সংবেদনশীল অংশ। আৰু মানুহৰ চকুৰ ওপৰতেই আটাইতকৈ বেছি হেঁচা পৰে৷
অফিচত দীঘলীয়া সময়ৰ বাবে কম্পিউটাৰ স্ক্ৰীণলৈ চাই থকা, সঘনাই জুম মিটিং কৰা, ম’বাইলৰ অত্যাধিক ব্যৱহাৰ আদি সকলো ক্ষেত্ৰতে আটাইতকৈ বেছি চাপ চকুৰ ওপৰত পৰে। সেয়ে চকুৰ সুৰক্ষাৰ বাবে বিশেষ যত্ন লোৱা দৰকাৰ৷
যিদৰে চিকিৎসকে আপোনাক শৰীৰটো স্বাস্থ্যৱান ৰাখিবলৈ বিভিন্ন ব্যায়াম কৰাৰ পৰামৰ্শ দিয়ে, ঠিক তেনেদৰে চকুৰো পৃথকে যত্ন লোৱাটোও প্ৰয়োজনীয়। চকু ভাল ৰাখিবলৈ কিছুমান বিশেষ ব্যায়াম কৰাতো অতি জৰুৰী৷
লগতে পঢ়ক সুৰাপায়ীৰ বাবে সুখবৰ! গ্ৰাহকলৈ বজাৰ মূল্যতকৈ ২৫ শতাংশ ৰেহাই
দৃষ্টিশক্তি ভালে ৰাখিবলৈ, চকুৰ বিষ, নিৰন্তৰ পানীৰ দৰে কিছুমান সমস্যা দূৰ কৰিবলৈ তলত উল্লেখ কৰা ব্যায়ামবোৰ কৰিব পাৰে।
১. হাতৰ তলুৱা ব্যৱহাৰ কৰক:
প্ৰায় ১০-১৫ মিনিটৰ বাবে দুয়োখন হাতৰ তলুৱা ঘঁহি দি থাকক। ঘৰ্ষণৰ ফলত হাতৰ তলুৱা দুখন কিছু গৰম হ’ব৷ এইবাৰ চকু বন্ধ কৰি গৰম তলুৱা দুখন ৰাখক। অৱশ্যে হাতৰ তলুৱাৰে চকুত হেঁচা নিদিব৷ এইদৰে আপুনি চকু দুটা অলপ গৰম কৰিব পাৰে৷ আপুনি এইদৰে দিনে ৩-৪ বাৰ কৰিব পাৰে।
লগতে পঢ়ক এপ্ৰিলত অসমত কিমান দিন বেংক বন্ধ থাকিব? চাওক বেংক বন্ধৰ তালিকা…
২. সঘনাই চকু টিপিয়াই থকা:
প্ৰতি ৩-৪ ছেকেণ্ডত চকু টিপিয়াই থাকিলে ই চকুক বহুতো সমস্যাৰ পৰা সকাহ দিয়ে। বিশেষকৈ যদি আপুনি কম্পিউটাৰটো একেলেথাৰিয়ে চাই থাকে, তেনে এই চকুৰ ব্যায়াম কৰাতো উচিত। ১ মিনিটৰ বাবে সঘনাই চকু টিপিয়াই থকাটো এটা অতি উপকাৰী ব্যায়াম।
৩. চকু ঘূৰোৱা:
চকুবোৰ ঘূৰাই থকাতোও চকু ভালদৰে ৰখাৰ বাবে এক অতি কাৰ্যকৰী ব্যায়াম। প্ৰথমে চকুৰ মণিটো ঘড়ীৰ দিশত ৪ বাৰ ঘূৰাওক আৰু ইয়াৰ পিছত পুনৰ ঘড়ীৰ বিপৰীত দিশত ঘূৰাওক। তাৰ পিছত আপোনাৰ চকু ২-৩ ছেকেণ্ডৰ বাবে বন্ধ কৰি ৰাখিব। দিনত দুবাৰকৈ এই ব্যায়াম কৰিব। চকুৰ পেশী ভাল হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
