পুনৰ এক সুখবৰ কঢি়য়াই আনিছে সুৰাপায়ীসকললৈ এখন চৰকাৰৰ আৱকাৰী বভাগে৷ বিভাগে ব্যক্তিগত সুৰা বিক্ৰী ব্যৱসায়িক প্ৰতিষ্ঠানসমূহক সুৰাত বজাৰৰ মূল্যতকৈ ২৫ শতাংশলৈকে ৰেহাই দিয়াত অনুমোদন জনাইছে৷
শুকুৰবাৰে দিল্লী চৰকাৰৰ আৱকাৰী বিভাগে এই অনুমোদন জনাইছে৷
উল্লেখ্য যে যোৱা ফেব্ৰুৱাৰিত দিল্লী চৰকাৰৰ আৱকাৰী বিভাগে কোভিড আচৰণবিধি উলংঘা কৰা আৰু অস্বাস্থ্যকৰ বজাৰ ব্যৱস্থাৰ বাবে দিল্লীত সুৰাৰ ২৫ শতাংশলৈকে থকা খুচুৰা বিক্ৰীৰ ৰেহাইত প্ৰতিবন্ধকতা আৰোপ কৰিছিল৷
লগতে পঢ়ক আৰিয়ান খান ড্ৰাগছ কাণ্ড : প্ৰধান সাক্ষী প্ৰভাকৰ ছেইল ৰহস্যজনক মৃত্যু
শুকুৰবাৰে দিল্লীৰ আবকাৰী আয়ুক্তই জাৰি কৰা এক নিৰ্দেশত কোৱা হৈছে যে চৰকাৰে দিল্লী আবকাৰী নিয়ম, ২০১০ৰ নিয়ম ২০ কঠোৰভাৱে পালন কৰি দিল্লীৰ এনচিটিৰ অধিকাৰ ক্ষেত্ৰত সুৰা বিক্ৰীৰ ওপৰত এমআৰপিৰ ২৫ শতাংশলৈকে ৰেহাই দিয়াৰ অনুমতি দিয়া হৈছে।
‘‘দিল্লী আবকাৰী আইনৰ ধাৰা ৪ ৰ অধীনত আবকাৰী আয়ুক্তই নিৰ্দেশ দিছিল যে অনুজ্ঞাপত্ৰ থকা বিক্ৰেতাসকলে দিল্লীত সুৰা বিক্ৰীৰ এমআৰপিৰ সৰ্বাধিক ২৫ শতাংশলৈকে ৰেহাই দিব পাৰে,’’ নিৰ্দেশটোত এইদৰে কোৱা হৈছে।
লগতে পঢ়ক দেশত বৈধতাৰ দিশে সমলিংগ বিবাহ! লোকসভাত বৈধতা প্ৰদান বিধেয়ক উত্থাপন
অৱেশ্য, ব্যৱসায়ীসকলে অনুজ্ঞাপত্ৰৰ চৰ্তাৱলী আৰু নিয়মাৱলী কঠোৰভাৱে পালন কৰিব লাগিব৷ যদি কোনোৱে ইয়াক উলংঘন কৰে, তেন্তে দিল্লী আবকাৰী আইন আৰু অন্যান্য নিয়মৰ অধীনত তেওঁলোকৰ বিৰুদ্ধে কঠোৰ শাস্তিমূলক ব্যৱস্থা গ্ৰহণ কৰা হ’ব বুলিও কোৱা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
