দেশত দীৰ্ঘ দিন ধৰি সমলিংগ বিবাহৰ বৈধতাৰ দাবী উত্থাপন হৈ থকাৰ সময়তে সম লৈংগিক বিবাহৰ আগ্ৰহীসকলৰ বাবে কিছু আশাৰ বতৰা লৈ আহিছে ৰাষ্ট্ৰীয়তাবাদী কংগ্ৰেছৰ সাংসদ সুপ্ৰিয়া চুলেই৷
এনিচিপিৰ লোকসভাৰ সাংসদ চুলেই শুকুৰবাৰে লোকসভাত সমলিংগ বিবাহ বৈধতা প্ৰদান সম্পৰ্কীয় এখন বিধেয়ক উত্থাপন কৰিছে৷
বিধেয়কখন লোকসভাত উত্থাপন কৰি সাংসদগৰাকীয়ে কয় যে সমলিংগৰ বিবাহক বৈধতা প্ৰদান কৰিলে দেশৰ সমকামী লোকসকল বিশেষভাৱে উপকৃত হ’ব৷
লগতে পঢ়ক ইতিহাস ৰচি শতক অতিক্ৰম কৰিলে বিজেপিয়ে, উত্তৰ পূৱৰ পৰা উচন হ’ল কংগ্ৰেছ
সাংসদ চুলেই বিশেষ বিবাহ আইনৰ সংশোধন বিচাৰি বিধেয়কখন এই নতুন আইনখনক বিশেষ বিবাহ(সংশোধনী) আইন, ২০২২ বুলি নামকৰণ কৰিব পাৰি বুলি মন্তব্য কৰিছে৷ বিশেষ বিবাহ আইন ১৯৫৪ৰ সংশোধনৰো প্ৰস্তাৱ উত্থাপন কৰিছে সাংসদ সুপ্ৰিয়া চুলেই৷
এই আইনখনত সমলিংগৰ দুয়োগৰাকী পুৰুষৰ ক্ষেত্ৰত ২১ বছৰ আৰু মহিলাৰ ক্ষেত্ৰত ১৮ বছৰৰ বয়স নিৰ্ধাৰণ কৰিব লাগে৷ অৰ্থাৎ সম লিংগ দুজন পুৰুষে ২১ বছৰ আৰু দুয়োগৰাকী মহিলা ১৮ বছৰ হ’লেহে বিবাহপাশত আৱদ্ধ হ’ব পাৰিব৷
সংবিধানৰ অনুচ্ছেদ ১৪ আৰু অনুচ্ছেদ ২১ৰ অনুসৰি এই বিধেয়কখনৰ নিশ্চিতি প্ৰদান কৰিব পাৰি বুলি সাংসদগৰাকীয়ে মন্তব্য কৰিছে৷
লগতে পঢ়ক ২০ কিলোগ্ৰাম RDXৰে আত্মঘাতীয়ে উৰুৱাই দিব প্ৰধানমন্ত্ৰী মোদীক! মেইলযোগে ভাবুকি!
ইফালে আন এগৰাকী সাংসদ ডিএমকেৰ ডিএনভি ছেণ্টিলকুমাৰ এছে LGBTQIA সম্প্ৰদায়ৰ অধিকাৰ প্ৰদানৰ বাবে আন এখন বিধেয়কো সংসদত উত্থাপন কৰে৷
ছেণ্টিলকুমাৰ এছে বিলখন উত্থাপন কৰি কয় যে উক্ত সম্প্ৰদায়টোৱে সমাজত মৰ্যাদা সহকাৰে জীৱন যাপন কৰিবলৈ তেওঁলোকক অধিকাৰ প্ৰদান কৰাতো অতি জৰুৰী৷
সমলিংগ বিবাহৰ বৈধতা প্ৰদান সম্পৰ্কীয় বিধেয়ক সংসদত উত্থাপন কৰিলেও এই আইন সহজে গৃহীত হোৱাৰ সম্ভাৱনা নাই৷ কাৰণ ইয়াৰ পূৰ্বে উচ্চতম ন্যায়ালয়ত সমলিংগ বিবাহ সমাজত গ্ৰহণীয় আৰু স্বীকৃত নহয় বুলি কেন্দ্ৰীয় চৰকাৰে দৃঢ়তাৰে মন্তব্য কৰিছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
