অসমৰ ৫ গৰাকী উদীয়মান সাঁতোৰবিদে কঢ়িয়াই আনিছে গৌৰৱ। ৰাজ্যৰ আটাইকেইগৰাকী সাঁতোৰবিদে পাল্ক ষ্ট্ৰেইট (Palk Strait )সাঁতুৰি অতিক্ৰম কৰিছে।
আটাইকেইগৰাকীয়ে ৫ মে’ত শ্ৰীলংকাৰ তালাইমন্নাৰ পৰা ভাৰতৰ তামিলনাডুৰ ধনুষ্কোডি পৰ্যন্ত এই কঠিন সমুদ্ৰ পথ অতিক্ৰম কৰে।
সাগৰৰ ঢৌ পৰিৱেষ্টিত প্ৰতিকূলতা প্ৰতিহত কৰি ২৯ কিঃমিঃ দূৰত্ব সাঁতুৰি অভিলেখ ৰচনা কৰে।
জানিব পৰা মতে, একক শাখাত কমলকৃষ্ণ দাসে পুৱা ২ঃ১০ বজাত যাত্ৰা আৰম্ভ কৰি দুপৰীয়া ১ঃ৪৫ বজাত গন্তব্য স্থানত উপস্থিত হয়। তেওঁ ১১ ঘণ্টা ৩৪ মিনিট সময়লৈ এই দুঃসাহসিক সাঁতোৰ সম্পন্ন কৰে। আনহাতে অদিত্ৰী ৰয় চৌধুৰীয়ে ১২ ঘণ্টা ৫২ মিনিট সময় লৈ দুপৰীয়া ৩ঃ০২ বজাত গন্তব্য স্থান পায়।
ৰীলে শাখাত অসমৰ সাঁতোৰবিদসকলে ভাল প্ৰদৰ্শন কৰে। ৮ বছৰীয়া কিউচেংহান ফুকন, ১০ বছৰীয়া কংকিতা দাস আৰু ৯ বছৰীয়া জানভি ডাকুৱাই ১২ ঘণ্টা ৫৪ মিনিট সময় এই অভিযান সম্পূৰ্ণ কৰে।
উল্লেখ্য যে, বাবুল গুঙৰ তত্ত্বাৱধানত আটাইকেইগৰাকীয়ে প্ৰশিক্ষণ লাভ কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
