তৃণমূল কংগ্ৰেছৰ সাংসদ মহুৱা মৈত্ৰক এখন ফ্লাইটত দুৰ্ব্যৱহাৰ কৰাৰ অভিযোগ উত্থাপিত হৈছে৷ ছচিয়েল মিডিয়াত এটা ভিডিঅ’ পোষ্ট কৰিছে মহুৱা মৈত্ৰই৷ সেই প’ষ্টযোগে তেওঁ কেন্দ্ৰীয় বিমান পৰিবহন মন্ত্ৰী কিঞ্জৰপু ৰামমোহন নাইডু আৰু ইণ্ডিগ’ প্ৰশাসনৰ ওচৰত তেওঁৰ ওপৰত হোৱা অপমানৰ বিষয়ে অভিযোগ কৰিছে আৰু অভিযুক্তকেইজনৰ বিৰুদ্ধে বিহিত ব্যৱস্থা গ্ৰহণ কৰিবলৈ দাবী জনাইছে৷ সাংসদ মহুৱা মৈত্ৰই নিজেই তেওঁৰ সৈতে ঘটা ঘটনাটোৰ সবিশেষ তথ্য দাঙি ধৰিছে৷
প্ৰাপ্ত তথ্য অনুসৰি ফ্লাইটৰ ভিতৰত তেওঁৰ বিৰুদ্ধে স্লোগান দি অভিষেক বেনাৰ্জি আৰু মহুৱা মৈত্ৰক অস্বস্তিকৰ পৰিস্থিতিৰ সন্মুখীন কৰোৱা হৈছে৷ মহুৱা মৈত্ৰই শ্বেয়াৰ কৰা ভিডিঅ’ অনুসৰি, নেতা দেখামাত্ৰই বিমানৰ কিছু যাত্ৰীয়ে চোৰ চোৰ বুলি চিঞৰিবলৈ ধৰে৷ এই ৩০ ছেকেণ্ডৰ ভিডিঅ’ত দেখা গৈছে যে বিমানৰ কিছু যাত্ৰীয়ে এই নেতাসকলক চোৰ চোৰ বুলি চিঞৰিছে৷ মহুৱা মৈত্ৰই এই ঘটনাৰ ভিডিঅ’ প’ষ্ট কৰি ভাৰতীয় জনতা পাৰ্টীৰ সমৰ্থকসকলক তীব্ৰ সমালোচনা কৰিছে আৰু ইয়াৰ অশোভনীয় আচৰণ বুলি অভিহিত কৰিছে৷
ভিডিঅ’ত স্পষ্টভাৱে শুনা গৈছে প্ৰথম ৯ ছেকেণ্ডৰ ভিতৰত টি এম চি চোৰ ধ্বনি শুনা গৈছে৷ বিমানৰ কৰিডৰত ঠিয় হৈ থকা কিছু লোকে প্ৰচণ্ডভাৱে চিৎকাৰ কৰিছে৷ নিৰাপত্তা কৰ্মীয়ে পৰিস্থিতি নিয়ন্ত্ৰণলৈ অনাৰ চেষ্টাও কৰে৷ এই ধৰণৰ স্লোগান কিন্তু বন্ধ নহয়৷ মহুৱাই এক্সত লিখিছে, ‘মই আজি প্ৰতিৰক্ষা বিষয়ক সংসদীয় স্থায়ী কমিটিৰ এখন বৈঠকত যোগ দিবলৈ দিল্লীলৈ যাত্ৰা কৰিছিলো৷ মই 6E 719ফ্লাইটৰ 1F আসনত বহিছিলো৷ তেতিয়াই ৪-৬জনীয়া এটা দল বিমানখনত উঠে আৰু মোৰ দিছে দৃষ্টি দিয়ে৷ তাৰপিছতেই বিমানৰ পিছফালে গুচি যায় আৰু মোৰ বিৰুদ্ধে শ্লোগান দিবলৈ ধৰে৷ বিমান অৱতৰণ কৰাৰ পাছত দুৱাৰ খোলালৈকে এই কাৰ্যই কৰি থাকে৷ এয়া নাগৰিক ক্ষোভ নহয়৷ ই বিমানত মোৰ নিৰাপত্তাৰ লংঘন কৰিছে৷ এই দুষ্কৃতিকাৰীয়ে বিমানত এনে কাৰ্য কৰি হাৰি যাব নোৱাৰিব৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
