জ্যোতিষশাস্ত্ৰ অনুসৰি বুধ গ্ৰহক বুদ্ধিমত্তা, যুক্তি আৰু যোগাযোগৰ কাৰক হিচাপে বিবেচনা কৰা হয়৷ বুধ বৰ্তমান কুম্ভ ৰাশিত অস্তমিত অৱস্থাত আছে৷ যেতিয়া কোনো গ্ৰহ অস্তমিত হয় তেতিয়া তাৰ প্ৰভাৱ কিছু হ্ৰাস পায় বুলি ধাৰণা কৰা হয়৷ বুধৰ ৰাশিচক্ৰ পৰিবৰ্তনৰ প্ৰভাৱ সমস্ত ৰাশিৰ ওপৰতে পৰিলক্ষিত হ’ব পাৰে৷
শীঘ্ৰেই বুধে তাৰ গতিপথ পৰিবৰ্তন কৰিব৷ বৰ্তমান অস্তমিত অৱস্থাত থকা এই গ্ৰহই আগন্তুক ২৩ মে’ৰ সন্ধিয়া উদিত হ’ব৷ বৈদিক জ্যোতিষশাস্ত্ৰ অনুসৰি যেতিয়া কোনো গুৰুত্বপূৰ্ণ গ্ৰহ উদিত হয় তেতিয়া শক্তি বহুগুণ বৃদ্ধি পায় আৰু মানুহৰ জীৱনৰ ওপৰত প্ৰত্যক্ষ প্ৰভাৱ বিস্তাৰ কৰে৷
২৩ মেৰ পৰা ৩০ জুন পৰ্যন্ত বুধ উদিত অৱস্থাত থাকিব৷ বুধৰ এই নতুন অৱস্থানে নিৰ্দিষ্ট কিছু ৰাশিৰ জাতকৰ জীৱনলৈ উল্লেখযোগ্য আৰ্থিক পৰিবৰ্তন কঢ়িয়াই আনিব৷ এই সময়কালত সংশ্লিষ্ট ৰাশিৰ জাতক জাতিকাই প্ৰৱল আৰ্থিক লাভ, কৰ্মজীৱনত উন্নতি আৰু নতুন ব্যৱসায়িক চুক্তিৰ অভিজ্ঞতা লাভ কৰিব বুলি আশা কৰা হৈছে৷ জানি থওক কোন কোন ভাগ্যবান ৰাশিৰ জাতকে বুধৰ এই উদয়ৰ পৰা উপকৃত হ’ব৷
বৃষ ৰাশি
বুধৰ উদয়ে বৃষ ৰাশিৰ জাতকৰ বাবে আৰ্থিকভাৱে উল্লেখযোগ্য সুফল কঢ়িয়াই আনিব৷ যদি আপোনাৰ অৰ্থ দীৰ্ঘদিন ধৰি কৰোবাত ৰৈ আছে তেন্তে এই সময়ত ভিতৰত সেয়া পুনৰুদ্ধাৰ হোৱাৰ সম্ভাৱনা আছে৷ যিসকলে শ্বেয়াৰ বজাৰ বা অন্য কোনো স্থানত বিনিয়োগ কৰাৰ পৰিকল্পনা কৰিছে তেওঁলোকৰ বাবে এই সময় আদৰ্শ সময়৷
মিথুন ৰাশি
বুধ গ্ৰহ মিথুন ৰাশিৰ অধিপতি, সেয়ে ইয়াৰ উদয়ে এওঁলোকৰ বাবে আশীৰ্বাদস্বৰূপ৷ বিগত কিছুদিন ধৰি মনত যি বিভ্ৰান্তি বা সংশয়ে বিৰাজ কৰিছিল সেয়া এতিয়া দূৰ হ’ব৷ সঠিক আৰু যথাযথ সিদ্ধান্ত গ্ৰহণ কৰিবলৈ সক্ষম হ’ব৷ যিসকলে ব্যৱসায় কৰি আছে কিংবা নিজস্ব ষ্টাৰ্টআপ পৰিচালনা কৰিছে তেওঁলোকৰ বাবে এই সময়ত ভিতৰত কোনো গুৰুত্বপূৰ্ণ আৰু লাভজনক চুক্তি সম্পন্ন কৰিব পাৰে৷ আপোনাৰ স্বাস্থ্যৰ উন্নতি ঘটিব আৰু আপুনি নিজকে উদ্যমী আৰু প্ৰাণৱন্ত অনুভব কৰিব৷
কন্যা ৰাশি
কন্যা ৰাশইৰ অধিপতি গ্ৰহ হৈছে বুধ৷ এই গ্ৰহ উদিত হোৱাৰ ফলত আপোনাৰ দীৰ্ঘদিনৰ ৰৈ থকা বা স্থবিৰ হোৱা পৰিকল্পনাসমূহে পুনৰায় গতি লাভ কৰিব৷ যিসকলে চাকৰিত আছে তেওঁলোকে কৰ্মক্ষেত্ৰত পদোন্নতি বা নতুন কোনো দায়িত্বপূৰ্ণ পদ লাভ কৰিব পাৰে৷ শিক্ষাৰ্থীসকলৰ ক্ষেত্ৰত এই সময়ত তেওঁলোকৰ একাগ্ৰতা আৰু পাৰিবাৰিক সম্পৰ্কৰ ক্ষেত্ৰত চলমান মত পাৰ্থক্য বা মনোমালিন্যসমূহ দূৰ হৈ পৰিব৷
তুলা ৰাশি
তুলা ৰাশিৰ জাতকৰ ক্ষেত্ৰত বুধৰ এই উদয়ে তেওঁলোকৰ ভাগ্য আৰু লাভৰ ওপৰত প্ৰত্যক্ষ প্ৰভাৱ বিস্তাৰ কৰিব৷ আপুনি যদি বিদেশ ভ্ৰমণ কৰে কিংবা বৈদেশিক বাণিজ্যৰ সৈতে যুক্ত থাকে তেন্তে এই সময়ত উল্লেখযোগ্য মুনাফা লাভৰ আশা কৰিব পাৰে৷ সমাজত আপোনাৰ মান মৰ্যাদা আৰু প্ৰতিপত্তি বৃদ্ধি পাব৷ আপুনি নতুন আৰু প্রভাৱশালী ব্যক্তিৰ সৈতে সংযোগ স্থাপন কৰিবলৈ সক্ষম হ’ব৷ যিয়ে ভৱিষ্যতে আপোনাৰ আৰ্থিক লাভৰ উৎস হিচাপে প্ৰমাণিত হ’ব৷
বুধৰ শুভ প্রভাৱ বৃদ্ধিৰ নিশ্চিত উপায়
আপুনি যদি বুধ দেৱতাৰ কৃপাত আপোনাৰ জীৱনত সুখ, সমৃদ্ধি আৰু ধনসম্পদ বৃদ্ধি কৰিব খোজে তেন্তে ২৩ মেৰ পৰা ৩০ জুনৰ মাজৰ সময়ত এইসমূহ প্ৰতিকাৰ অৱশ্যেই পালন কৰক৷
দৈনন্দিন জীৱনত পোছাক পৰিচ্ছদ সেউজীয়া ৰঙৰ ব্যৱহাৰ কৰক৷
প্ৰতি বুধবাৰে গণেশক দুৱৰিবন নিবেদন কৰক৷
চৰাইক শস্যদানা আৰু সেউজীয়া মগুদাইল খাবলৈ দিয়ক৷
নিয়মিত বুধ মন্ত্ৰ, ওম বুম বুধায় নমঃ অন্তত ১০৮বাৰ জপ কৰক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
