আজিৰে পৰা পুহ মাহ আৰম্ভ, অহা ৩০ দিনলৈ ভুলতো নকৰিব এই ৬ টা কাম
আজি ১৭ ডিচেম্বৰ বুধবাৰৰ পৰা আৰম্ভ হৈছে অসমীয়া পুহ মাহ। এই পুহ মাহক জ্যোতিষ শাস্ত্ৰত মল্লমাহ বুলি কোৱা হয়। লগতে ধনু সংক্ৰান্তি বুলিয়ো জনা যায়। জ্যোতিষ শাস্ত্ৰ অনুসৰি সূৰ্য গ্ৰহ ধনু ৰাশিত প্ৰৱেশ কৰিলে এই পুহ মাহ আৰম্ভ হয়।
মান্যতা অনুসৰি এই পুহ মাহত কোনো ধৰণৰ মাংগলিক কাৰ্য কৰা নহয়। অশুভ বুলি ধৰা হয় সকলো। নতুবা সমস্যাৰে আবৰি ধৰিব পাৰে জীৱন।
সেয়ে এই পুহ মাহত এই বিশেষ ৬ টা কাম নকৰাই মংগলজনক। কি কি এই ৬ কাম-
– এই মাহত কোনোধৰণৰ বিবাহ কাৰ্য, গৃহ প্ৰৱেশ, নামাকৰণ, অন্নপ্ৰাসন, বাস্তু পূজা আদিৰ দৰে শুভ কাৰ্য কৰিব নালাগে। শাস্ত্ৰ অনুসৰি এনেধৰণৰ ১৬ টা মাংগলিক কাৰ্য এই মাহত কৰা নহয়।
– এই ৩০ দিন সময়ত তুলসী পাত চিঙাটো অতিকে অশুভ বুলি ধৰা হয়। কাৰণ এই মাহত শ্ৰীহৰিৰ পূজা কৰা হয়। তুলসী পাত ভগৱান বিষ্ণুৰ অতিকে প্ৰিয়।
– পুহ মাহৰ এই ৩০ দিন সম্পূৰ্ণ নিৰামিষ আহাৰ হে গ্ৰহণ কৰিব লাগে। যিহেতু সূৰ্য গ্ৰহ ধনু ৰাশিত প্ৰৱেশ কৰে সেয়ে এই সময়চোৱাত মাছ-মাংসৰ উপৰি নহৰু, পিয়াজ আদিৰ দৰে খাদ্য পৰিহাৰ কৰি চলিব লাগে।
– পুহ মাহৰ এই ৩০ দিনৰ অন্তৰালত কোনো শুভ কাৰ্যৰ আৰম্ভণি যেনে ঘৰ নিৰ্মাণ, মাটি-বাৰী আদিৰ ক্ৰয় তথা বিক্ৰী আদি নকৰাই মংগলজনক। মান্যতা অনুসৰি এনেধৰণৰ শুভ কাৰ্য কৰিলে পিছলৈ সমস্যাৰ সৃষ্টি হয়।
– কোনো ধৰণৰ নতুনকৈ ব্যৱসায় আৰম্ভ কৰাটো এই মাহত বৰ্জনীয়। কাৰণ এনে কৰিলে টকা-পইচা সন্দৰ্ভত সমস্যা আহি পৰিব পাৰে। লগতে এই মাহত নতুন কামত হাত দিয়া তথা টকা বিনিয়োগ কৰা আদি কামৰ পৰা দূৰত্ব বজাই ৰাখিব লাগে।
– এই মাহত নতুন ঘৰত প্ৰৱেশ তথা গৃহপ্ৰৱেশ কৰা নিষেধ। অশুভ বুলি মানা হয় এনে কাৰ্যক। এনে কৰিলে ঘৰৰ সুখ-সমৃদ্ধিৰ ওপৰত প্ৰভাৱ পৰিব পাৰে বুলি মান্যতা আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
