এই বছৰ মহাশিৱৰাত্ৰি পৰিছে ২৬ ফেব্ৰুৱাৰী৷ মহাশিৱৰাত্ৰি হিন্দু ধৰ্মৰ অন্যতম প্ৰধান উৎসৱ৷ পৌৰাণিক বিশ্বাস অনুসৰি এই দিনটোত ভগৱান শিৱ আৰু মা পাৰ্বতীৰ বিয়া হৈছিল৷ এইবাৰ মহাশিৱৰাত্ৰিত বহু বিৰল আৰু শুভ কাকতালীয় ঘটনা ঘটিব৷ যিয়ে এইবাৰৰ শিৱৰাত্ৰিক আৰু বিশেষ কৰি তুলিব৷ জ্যোতিষশাস্ত্ৰ অনুসৰি ইয়াৰ প্ৰভাৱ কেইবাটাও ৰাশিৰ ওপৰত অত্যন্ত শুভ হ’ব৷ যিয়ে তেওঁলোকৰ জীৱনত সুখ আৰু সমৃদ্ধিৰ নতুন দুৱাৰ খুলিব৷
এইবাৰ মহাশিৱৰাত্ৰিত কেইবাটাও বিৰল যোগ তৈয়াৰ হৈছে৷ মহাশিৱৰাত্ৰিৰ দিনা সূৰ্য, চন্দ্ৰ আৰু শনিৰ বিশেষ ত্ৰিগ্ৰহী যোগ তৈয়াৰ হৈছে৷ এই যোগ সাফল্য আৰু সমৃদ্ধিৰ প্ৰতীক৷ মহাশিৱৰাত্ৰিৰ দিনা শিৱ যোগ আৰু সিদ্ধ যোগৰ সংমিশ্ৰন ঘটিছে৷ এই যোগত পূজা অৰ্চনা কৰিলে মনোকামনাআ দ্ৰুত পূৰণ হয়৷ ইয়াৰোপৰি মহাশিৱৰাত্ৰিৰ দিনা অমৃত সিদ্ধি যোগো তৈয়াৰ হৈছে৷
মেষ ৰাশি
মেষ ৰাশিৰ জাতকৰ বাবে মহাশিৱৰাত্ৰিয়ে কেইবাটাও সুখৰ খবৰ আনিব৷ কেৱল পদোন্নতিয়েই পাব তেনে নহয়৷ দৰমহা বৃদ্ধিৰো সম্ভাৱনা আছে৷ মেষ ৰাশিৰ জাতক জাতিকাৰ যিসকলে কাম কৰাৰ পৰিকল্পনা কৰিছে তেওঁলোকে সাফল্য পাব৷ ব্যৱসায়ৰ বাবে যি পৰিকল্পনা কৰা হৈছে সেয়াও সুচাৰুৰূপেই বাস্তবায়িত হ’ব৷ নতুন সুযোগে আপোনাৰ আৰ্থিক অৱস্থানক শক্তিশালী কৰিব৷ আপোনাৰ পৰিশ্ৰমৰ ফল আপুনি অৱশ্যই পাব৷
মিথুন ৰাশি
মহাশিৱৰাত্ৰিৰ উৎসৱ মিথুন ৰাশইৰ জাতকৰ বাবে শুভ হ’ব৷ মিথুন ৰাশিৰ জাতক জাতিকাই নতুন কাম কৰাৰ পৰিকল্পনা কৰিলে সফল হ’ব৷ তেওঁলোকে ভাল চুক্তি পাব পাৰে৷ ব্যৱসায়ত আপোনাৰ পৰিকল্পনাই দীৰ্ঘ সময়ত ভাল পৰিণাম দিব৷ আৰ্থিকভাৱে লাভৱান হ’ব আপুনি৷
সিংহ ৰাশি
মহাশিৱৰাত্ৰিত আপোনাৰ ওপৰত ভোলানাথৰ কৃপা বৰ্ষণ হ’ব৷ এই সময়ত ঘটি যোৱা বিৰল কাকতালীয় ঘটনাসমূহে আপোনাৰ অগ্ৰগতিৰ পথ সহজ কৰিব৷ এই সময়ৰ ভিতৰত দৰমহা বৃদ্ধিৰ সম্ভাৱনা আছে৷ আপুনি বাহন আৰু সম্পত্তি ক্ৰয় কৰিব পাৰে৷ এই সময়ত অৰ্থৰ প্ৰবাহ বৃদ্ধিৰ সম্ভাৱনা আছে৷ দীৰ্ঘদিন ধৰি দাম্পত্য জীৱনত যি অশান্তি আছিল সেয়া দূৰ হ’ব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
