অনশনৰ ফলত আপ নেত্ৰী আতিশীৰ স্বাস্থ্যৰ অৱনতি, হাস্পতালত ভৰ্তি
স্বাস্থ্যৰ অৱনতি ঘটাত দিল্লীৰ মন্ত্ৰী আতিশীক চিকিৎসালয়ত ভৰ্তি কৰোৱা হৈছে। মঙলবাৰে পুৱতি নিশা আতিশীক লোক নায়ক জয় প্ৰকাশ নাৰায়ণ (এল এন জে পি) চিকিৎসালয়ত ভৰ্তি কৰোৱা হয়।
আতিশীয়ে দাবী কৰে যে হাৰিয়ানা চৰকাৰে দিল্লীক প্ৰতিদিনে ১০ কোটি গেলন (এমজিডি) পানী যোগান ধৰা নাই, যাৰ বাবে দিল্লীত পানীৰ সংকট হৈছে। এই কাৰণেই আতিশী অনিৰ্দিষ্টকালৰ অনশন কৰি আছিল। মঙলবাৰে পঞ্চম দিনত প্ৰৱেশ কৰে আতিশীৰ অনিৰ্দিষ্টকালীন অনশন।
দিল্লীৰ স্বাস্থ্যমন্ত্ৰী সৌৰভ ভৰদ্বাজে জনাইছে যে দিল্লীৰ মন্ত্ৰী আতিশীৰ তেজৰ শৰ্কৰাৰ মাত্ৰা ৩৬ লৈ হ্ৰাস পাইছে, যাৰ বাবে তেওঁক চিকিৎসালয়ত ভৰ্তি কৰোৱা হৈছে। তেওঁ কয়, “নিশাৰে পৰা আতিশীৰ তেজৰ শৰ্কৰাৰ মাত্ৰা কমি আহিছিল। আমি যেতিয়া তেওঁৰ তেজৰ নমুনা সংগ্ৰহ কৰিছিলো তেতিয়া শৰ্কৰাৰ মাত্ৰা ৪৬ বুলি ওলাইছিল। আমি যেতিয়া পৰ্টেবল মেচিনেৰে শৰ্কৰাৰ মাত্ৰা পৰীক্ষা কৰিছিলো তেতিয়া ৩৬ বুলি ওলাইছিল।”
https://x.com/ANI/status/1805362817195033031
স্বাস্থ্যমন্ত্ৰী সৌৰভ ভৰদ্বাজে কয় যে হাৰিয়ানাই দিল্লীৰ বাবে প্ৰয়োজনীয় পানী এতিয়াও দিয়া নাই। হাৰিয়ানাই দিল্লীৰ অংশৰ পানী মুকলি নকৰাৰ প্ৰতিবাদত আতিশিয়ে ২২ জুনৰ পৰা অনিৰ্দিষ্টকালীন অনশন আৰম্ভ কৰিছিল। ইতিমধ্যে চিকিৎসকে চিকিৎসালয়ত ভৰ্তি কৰাৰ পৰামৰ্শ দিছিল আতিশী সন্দৰ্ভত।
ইয়াৰ পূৰ্বে আম আদমী পাৰ্টিয়ে কয় যে আতিশীৰ স্বাস্থ্যৰ অৱনতি ঘটাৰ পৰিপ্ৰেক্ষিতত চিকিৎসকে তেওঁক চিকিৎসালয়ত ভৰ্তি কৰিবলৈ পৰামৰ্শ দিছে যদিও দিল্লীৰ পানীৰ উচিত অংশৰ বাবে যুঁজি তেওঁ জীৱন বিপন্ন কৰিছে।
আপৰ বিবৃতি অনুসৰি আতিশীৰ স্বাস্থ্য পৰীক্ষাত তেওঁৰ ৰক্তচাপ আৰু শৰ্কৰাৰ মাত্ৰা ভয়ংকৰভাৱে হ্ৰাস পোৱাৰ কথা পোহৰলৈ আহিছে। আতিশীৰ ব্লাড চুগাৰ লেভেল আৰু ব্লাড প্ৰেচাৰ যি বেগেৰে কমিছে, সেই গতিত চিকিৎসকে বিপজ্জনক বুলি অভিহিত কৰিছে বুলি দলটোৱে কয়।
উল্লেখ্য যে, দিল্লীৰ ২৮ লাখ বাসিন্দাৰ বাবে পানীৰ অধিকাৰ সুনিশ্চিত কৰিবলৈ অনিৰ্দিষ্টকালীন অনশনত বহি থকা জলমন্ত্ৰী আতিশিয়ে কৈছে যে যেতিয়ালৈকে হাৰিয়ানা চৰকাৰে দিল্লীবাসীৰ জল অধিকাৰ প্ৰদান নকৰে আৰু হাতীকুণ্ড বেৰেজৰ গেটবোৰো নহয় মুকলি কৰিলে তেওঁলোকৰ অনিৰ্দিষ্টকালীন অনশন অব্যাহত থাকিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
