ইতিহাস ৰচিলে আফগানিস্তানে, অষ্ট্ৰেলিয়াক ঘৰলৈ বাট দেখুৱাই প্ৰথমবাৰৰ বাবে বিশ্বকাপৰ ছেমি ফাইনেলত প্ৰৱেশ
আফগানিস্তানত ৰাজপথলৈ ওলাই আহিল অগনন লোক। ফুৰ্তিতে নাচি-বাগি ফটকা ফুটাই আত্মহাৰা হৈ পৰিছে হাজাৰ হাজাৰ লোক। আফগান ক্ৰিকেট দলে ইতিহাস ৰচি প্ৰথমবাৰৰ বাবে প্ৰৱেশ কৰিলে বিশ্বকাপৰ ছেমি ফাইনেলত। অষ্ট্ৰেলিয়াক ঘৰলৈ বাট দেখুৱাই আফগান দলে কৰি দেখুৱালে চমৎকাৰ।
ছুপাৰ ৮ৰ শেষৰখন খেলত বাংলাদেশক হৰুৱাই ছেমি ফাইনেলত প্ৰৱেশ কৰিলে আফগান দলে। ৮ ৰানৰ ব্যৱধানত পৰাস্ত কৰিলে বাংলাদেশক। আফগান ক্ৰিকেট দলৰ এই বিজয়ে অষ্ট্ৰেলিয়াৰ সপোৰ ভাঙি পেলালে। আশাত চেঁচা পানী ঢালিলে ।
https://x.com/ACBofficials/status/1805473465673089087
অষ্ট্ৰেলিয়াৰ দৰে এটা শক্তিশালি দলে এতিয়া ছুপাৰ ৮ পৰ্যায়ৰ পৰাই বাহিৰ হব লগা হল আফগানিস্তানৰ দৰে এটা দলৰ বাবে। ছুপাৰ ৮ৰ অষ্ট্ৰেলিয়া-আফগানিস্তানৰ মাজৰ খেলখনতো ইতিহাস ৰচি অষ্ট্ৰেলিয়াক হৰুৱাই চমৎকাৰ ৰচিছিল।
এতিয়া ছেমি ফাইনেলৰ দুখন খেলৰ এখনত দক্ষিণ আফ্ৰিকা বনাম আফগানিস্তান হোৱাৰ বিপৰীতে আনখন ছেমিফাইনেলত ভাৰত বনাম ইংলেণ্ড। বহু ক্ৰিকেট অনুৰাগীয়ে এতিয়া আশা কৰিছে ছেমি ফাইনেলৰ পাছত ফাইনেল খেলখন হ’ব ভাৰত আৰু দক্ষিণ আফ্ৰিকাৰ মাজত। অৱশ্যে ইয়াতো সকলোকে আচৰিত কৰি আফগানিস্তানেও ফাইনেলত প্ৰৱেশ কৰিব পাৰে বুলি মন্তব্য কৰিছে বহু লোকে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
