অৱশেষত ধৰা পৰিল বাবা ছিদ্দিকী কাণ্ডৰ মূল অভিযুক্ত শিৱকুমাৰ, বহু তদন্তৰ অন্তত আটক
অৱশেষত ধৰা পৰিল মুম্বাইৰ বাবা ছিদ্দিকীক গুলীচালনা কৰা শ্বুটাৰ শিৱকুমাৰ। উত্তৰ প্ৰদেশৰ এছ টি এফ আৰু মুম্বাই ক্ৰাইম ব্ৰাঞ্চে যৌথ অভিযানত উত্তৰ প্ৰদেশৰ বাহচৰাইৰ পৰা আটক কৰে শিৱকুমাৰক।
বহু তদন্ত আৰু সন্ধানৰ অন্তত ধৰা পৰে মুল অভিযুক্ত শিৱকুমাৰ। আৰক্ষীয়ে প্ৰকাশ কৰা অনুসৰি, শিৱকুমাৰ বাহচৰাই সীমান্তৰ পৰা ভাৰত এৰি নেপাললৈ পলায়ন কৰাৰ পৰিকল্পনা কৰিছিল।
শিৱকুমাৰক আশ্ৰয় দি নেপাললৈ পলায়ন কৰাত সহায় কৰা অনুৰাগ কাশ্যপ, জ্ঞান প্ৰকাশ ত্ৰিপাঠী, আকাশ শ্ৰীবাস্তৱ, অখিলেন্দ্ৰ প্ৰতাপ সিঙক ইতিমধ্যে আৰক্ষীয়ে গ্ৰেপ্তাৰ কৰিছে। আৰক্ষীৰ জিম্মাত থকা সকলো একেখন গাঁও গণ্ডাৰাৰ বাসিন্দা আৰু সকলো বন্ধু।
আৰক্ষীৰৰ হাতত নেপালৰ সীমান্তৰ পৰা আটক হোৱা শিৱকুমাৰেই বাবা ছিদ্দিকীৰ ওপৰত দুই জাঁই গুলী মাৰিছিল, যাৰ বাবেই মৃত্যু হৈছিল বাবা ছিদ্দিকীৰ।
শিৱকুমাৰে উত্তৰ প্ৰদেশৰ আৰক্ষীৰ জেৰাৰ সময়ত ডাঙৰ কথা প্ৰকাশ কৰিছে। লৰেন্স বিষ্ণোই গেঙৰ সৈতে জড়িত থকাৰ কথা স্বীকাৰ কৰিছে। বহিঃৰাজ্যত বহি থকা আনমোল বিষ্ণোইৰ নিৰ্দেশতে এই হত্যাকাণ্ড সংঘটিত হোৱা বুলিও পোহৰলৈ আহিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
