নেপালত ছাত্ৰ ৰাজনীতি নিষিদ্ধ, কলেজ, বিশ্ববিদ্যালয় কেম্পাছত নচলিব ছাত্ৰ ৰাজনীতি, ক্ষমতা পায়েই আৰু কি কি সিদ্ধান্ত বালেন্দ্ৰ শ্বাহৰ?

নেপালৰ নতুন প্ৰধানমন্ত্ৰী হিচাপে শপত লৈছে বালন্দ্ৰ শ্বাহে৷ শপথ লোৱাৰ মাত্ৰ ৪৮ ঘণ্টাৰ ভিতৰত চৰকাৰ আৰু প্ৰশাসনত ডাঙৰ পৰিবৰ্তনৰ ইংগিত দিছে তেওঁ৷ মুঠ ১০০ দফাৰ পৰিকল্পনা ঘোষণা কৰা হৈছে চৰকাৰৰ তৰফৰ পৰা৷

বালেন্দ্ৰৰ ঘোষণা অনুসৰি তেওঁৰ লক্ষ্য চৰকাৰী প্ৰতিষ্ঠানত সংস্কাৰ আৰু সুষ্ঠভাৱে দেশ পৰিচালনা কৰা৷ ছাত্ৰসকলে আন্দোলনক হাঁথিয়াৰ কৰি ক্ষমতালৈ আহিছে তেওঁ৷ অথচ সেই ছাত্ৰ ৰাজনীতিতেই নিষেধাজ্ঞাও জাৰি কৰা হৈছে তেওঁৰ তৰফৰ পৰা৷ সেই সিদ্ধান্তক লৈ ইতিমধ্যেই আৰম্ভ হৈছে বিতৰ্ক৷

কেম্পাছত ৰাজনীতি নিষিদ্ধ

ক্ষমতালৈ আহিলেই বালেন্দ্ৰ শ্বাহে বিশ্ববিদ্যালয় আৰু কলেজ কেম্পাছৰ পৰা ৰাজনৈতিক ছাত্ৰ সংগঠনসমূহ আঁতৰাই দিয়াৰ নিৰ্দেশ দিছে৷ তাৰ সলনি ৯০ দিনৰ ভিতৰত ষ্টুডেণ্ট কাউন্সিল বা ভয়েছ অফ ষ্টুডেণ্টছৰ দৰে অৰাজনৈতিক সংগঠন গঠনৰ কথা কোৱা হৈছে৷

চৰকাৰৰ দাবী, ছাত্ৰ সংগঠনসমূহৰ কাৰণে কেম্পাছত দীৰ্ঘদিন ধৰি হিংসা, ভঙাচিঙা চলিছে৷ শিক্ষাৰ পৰিবেশো নষ্ট হৈছে৷ সমালোচকসকলৰ মতে, এই সিদ্ধান্তৰ ফলত দেশৰ গণতান্ত্ৰিক পৰিকাঠামোক লৈয়ো প্ৰশ্ন উঠিব পাৰে৷ কেৱল ছাত্ৰ ৰাজনীতিয়েই নহয়, চৰকাৰী কৰ্মচাৰী আৰু শিক্ষকসকলৰ ৰাজনৈতিক দলীয় সম্পৰ্ক ৰখাৰ ওপৰত নিষেধাজ্ঞা জাৰি কৰা হৈছে৷ চৰকাৰী দপ্তৰত থকা দলীয় ট্ৰেড ইউনিয়নো বাতিল কৰা হয়৷ বালেন্দ্ৰ শ্বাহৰ সমৰ্থকসকলৰ মতে এই কামে প্ৰশাসনিক কামত স্বচ্ছতা আৰু গতি আনিব৷ কিন্তু বিৰোধীসকলৰ অভিযোগ, ইয়াৰ ফলত কৰ্মীসকলৰ অধিকাৰ ক্ষুন্ন হব পাৰে আৰু ভিন্নমতক গুৰুত্ব দিয়া নহ’ব৷

শিক্ষাক্ষেত্ৰত বৃহৎ পৰিবৰ্তন

শিক্ষা ব্যৱস্থাতো একাধিক সংস্কাৰ অনা হৈছে৷ স্নাতকোত্তৰত ভৰ্তি হ’বলৈ নাগৰিকত্বৰ বাধ্যবাধকতা তুলি দিয়া হৈছে৷ পৰীক্ষাৰ ফল প্ৰকাশত নিৰ্দিষ্ট সময়সীমা বাধ্যতামূলক কৰা হ’ব৷

বিৰোধী নেতাসকলক গ্ৰেপ্তাৰ

সংস্কাৰৰ ওপৰিও ৰাজনৈতিক ক্ষেত্ৰতো কাঢ়া পদক্ষেপ লৈছে নতুন চৰকাৰে৷ প্ৰাক্তন প্ৰধানমন্ত্ৰী কে পি শৰ্মা অলিকো গ্ৰেপ্তাৰ কৰা হৈছে৷ এই গোচৰ প্ৰাক্তন মন্ত্ৰী ৰমেশ লেখকৰ বিৰুদ্ধেও৷ তেওঁকো গ্ৰেপ্তাৰ কৰা হৈছে৷ ইয়াৰোপৰি নাাবালিকা গৃহকৰ্মীৰ ওপৰত দীৰ্ঘদিন ধৰি নিৰ্যাতনৰ অভিযোগ তুলি বিধায়ক ৰেখা শৰ্মাকো গ্ৰেপ্তাৰ কৰা হৈছে৷

আন্দোলনত নিহতসকলৰ কাষত চৰকাৰ

জেন জি আন্দোলনত নিহত ২৭ জন ছাত্ৰৰ পৰিয়ালৰ বাবে চৰকাৰী চাকৰিৰ ঘোষণা কৰা হৈছে বালেন্দ্ৰ শ্বাহ চৰকাৰৰ পৰা৷ প্ৰথম মন্ত্ৰিসভাৰ বৈঠকতেই এই সিদ্ধান্ত লোৱা হয়৷

ভাৰতৰ সৈতে সম্পৰ্কঃ নতুন সূচনা?

প্ৰধানমন্ত্ৰী মোদীৰ সৈতে ফোনযোগে বাৰ্তালাপ কৰিছে বালেন্দ্ৰ শ্বাহে৷ জনাইছে যে ভাৰতৰ সৈতে ঘনিষ্ঠভাৱে কাম কৰিবলৈ আগ্ৰহী৷ অতীতত গ্ৰেটাৰ নেপাল ইছ্যু আৰু ভাৰতৰ প্ৰভাৱক লৈ বালেন্দ্ৰ শ্বাহৰ কাঢ়া অৱস্থানৰ কাৰণে দিল্লীয়ে বৰ্তমান পৰিস্থিতি পৰ্যবেক্ষণ কৰি আছে বুলি ধাৰণা কৰা হৈছে৷

সকলো মিলি দ্ৰুত আৰু কঠোৰ সিদ্ধান্তৰ মাধ্যমেৰে নিজৰ অৱস্থান স্পষ্ট কৰিছে নেপালৰ নতুন প্ৰধানমন্ত্ৰীয়ে৷ তেওঁৰ পদক্ষেপে যেনে পৰিবৰ্তনৰ ইংগিত দিঠে তেনেকৈ তৈয়াৰ হৈছে বিতৰ্কও৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ