বাংলাদেশৰ ৰাজনীতিক লৈ চাঞ্চল্যকৰ মন্তব্য শ্বেখ হাছিনাৰ পুত্ৰ ছাজিব ৱাজেদৰ, অনতি পলমে নিৰ্বাচন ন’হলে দেশ শেষ
অশান্ত বাংলাদেশৰ ৰাজনৈতিক অস্থিৰতাৰ পিছত শ্বেখ হাছিনাই প্ৰধানমন্ত্ৰীৰ পদৰ পৰা পদত্যাগ কৰি ভাৰতলৈ আহে। ইয়াৰ পিছতে নোবেল বঁটা বিজয়ী মহম্মদ ইউনুছৰ নেতৃত্বত এখন অন্তৱৰ্তীকালীন চৰকাৰ গঠন কৰা হয়। পাছে এতিয়াও দেশখনত হিন্দুৰ ওপৰত আক্ৰমণৰ ঘটনা সংঘটিত হৈয়ে আছে। ইফালে শ্বেখ হাছিনাৰ পুত্ৰ ছাজিব ৱাজেদে ভাৰতক ধন্যবাদ জনাই বাংলাদেশৰ অন্তৱৰ্তীকালীন চৰকাৰক ডাঙৰ সতৰ্কবাণী দিয়ে।
ৱাশ্বিংটন ডি চিৰ পৰা ভাষণ দি ছাজিব ৱাজেদে ভাৰতক মাতৃৰ জীৱন ৰক্ষা কৰাৰ বাবে ধন্যবাদ জনায়। ইফালে অন্তৱৰ্তীকালীন চৰকাৰে ম’ক্ৰেচিৰ অনুমতি দিয়াৰ অভিযোগ উত্থাপন কৰে। ইয়াৰ মাজতে তেওঁ আল্টিমেটাম দিলে যে বাংলাদেশত যদি সোনকালে নিৰ্বাচন অনুষ্ঠিত নহয়, তেন্তে অৰাজকতাৰ পৰিস্থিতিৰ সৃষ্টি হ’ব পাৰে। দেশ শেষ হৈ যাব। উল্লেখ যে, পূৰ্বেও ছাজিব ৱাজেদে কৈছিল যে গণতন্ত্ৰ পুনৰুদ্ধাৰ হোৱাৰ পিছত শ্বেখ হাছিনা নিজৰ দেশলৈ ঘূৰি যাব।
বৰ্তমান বাংলাদেশত এখন অন্তৱৰ্তীকালীন চৰকাৰ শাসনত আছে। এনে পৰিস্থিতিত দেশৰ ৰাজনীতিত সেনাবাহিনীৰ অধিক হস্তক্ষেপৰ সম্ভাৱনা আছে। এই সময়ৰ হিংসা আৰু ৰাজনৈতিক অস্থিৰতাক যদি চোৱা হয়, তেন্তে বৰ্তমান সাধাৰণ নিৰ্বাচন অনুষ্ঠিত কৰাৰ কোনো সম্ভাৱনা থকা যেন নালাগে। সাধাৰণ নিৰ্বাচন অনিৰ্দিষ্টকাললৈ পিছুৱাই দিয়া যেন লাগে।
ইয়াৰ পূৰ্বে শ্বেখ হাছিনাৰ আনুগত্যবাদী বুলি গণ্য কৰা উচ্চতম ন্যায়ালয়ৰ মুখ্য ন্যায়াধীশ ওবাইদুল হাছানেও শনিবাৰে নিজৰ পদ ত্যাগ কৰে। প্ৰতিবাদ সাব্যস্ত কৰা ছাত্ৰ-ছাত্ৰীসকলে উচ্চতম ন্যায়ালয় ঘেৰাও কৰি তেওঁৰ পদত্যাগৰ দাবী জনাইছিল। অন্তৱৰ্তীকালীন চৰকাৰৰ অনুমতি অবিহনে কিয় ওবাইদুল হাছানে ন্যায়াধীশৰ বৈঠক আহ্বান কৰে বুলি প্ৰশ্ন কৰে ছাত্ৰ-ছাত্ৰীসকলে। ছাত্ৰ-ছাত্ৰীসকল উত্তেজিত হৈ পৰাত মুখ্য ন্যায়াধীশ পদৰ পৰা পদত্যাগ কৰে ওবাইদুল হাছানে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
