বাংলাদেশৰ পৰা বহু প্ৰব্ৰজনকাৰী আহি অসমত বাস কৰি আছে। প্ৰশাসনৰ সহযোগত অবৈধ বাংলাদেশীক প্ৰতিদিনে আটক কৰিছে । এতিয়াও বহু অবৈধ বাংলাদেশী অসমত বসবাস কৰি আছে। বাংলাদেশীৰ ক্ষেত্ৰত মুখ্যমন্ত্ৰী হিমন্ত বিশ্ব শৰ্মা সদায় কঠোৰ। এইবাৰ এক মন্তব্য কৰি চৰ্চাৰ কেন্দ্ৰবিন্দু হৈ পৰিছে মুখ্যমন্ত্ৰী হিমন্ত বিশ্ব শৰ্মা। বাংলাদেশে হিমন্ত বিশ্ব শর্মাৰ বক্তব্যক লৈ তীব্ৰ আপত্তি প্রকাশ কৰি এনে বাক্যবাণৰ পৰা বিৰত থাকিবলৈ উপদেশ দিছে৷ বাংলাদেশে বৃহস্পতিবাৰে বাংলাদেশত থকা ভাৰতৰ ভাৰপ্ৰাপ্ত উচ্চায়ুক্ত পৱন বাধেক মাতি আনি অসমৰ মুখ্যমন্ত্ৰীৰ এই মন্তব্যক লৈ ক্ষোভ প্ৰকাশ কৰে। দুয়োখন দেশৰ সম্পৰ্কৰ ক্ষতি কৰিব পৰা মন্তব্যৰ পৰা আঁতৰি থাকিবলৈ চৰকাৰক আহ্বান জনোৱা হয়।
বাংলাদেশৰ বৈদেশিক পৰিক্ৰমা মন্ত্ৰালয়ত (MoFA) এখন বৈঠকৰ সময়ত সঞ্চালক প্ৰধান (দক্ষিণ এছিয়া) ইশ্ৰত জাহানে ভাৰপ্ৰাপ্ত ভাৰতীয় উচ্চায়ুক্তৰ ওচৰত ঢাকাৰ অসন্তুষ্টি প্ৰকাশ কৰে। বাংলাদেশৰ সংবাদ মাধ্যমৰ মতে, ভাৰতীয় উচ্চায়ুক্ত পৱনে কৰা মন্তব্যক ভাৰত-বাংলাদেশৰ সম্পৰ্কক অপমানজনক বুলি অভিহিত কৰি বাংলাদেশে ভাৰতৰ প্ৰতি অসন্তুষ্টি প্ৰকাশ কৰে। অৱশ্যে এই সন্দৰ্ভত বৈদেশিক পৰিক্ৰমা মন্ত্ৰালয়ে কোনো আনুষ্ঠানিক বিবৃতি প্ৰকাশ কৰা নাই।
পোষ্টটোত কি লিখিলে মুখ্যমন্ত্ৰী শৰ্মাই?
ইয়াৰ পূৰ্বে ২৫ এপ্ৰিলত মুখ্যমন্ত্ৰী শৰ্মাই এটা পোষ্টত উল্লেখ কৰিছিল যে অসমত ২০ জন বিদেশী নাগৰিকক আটক কৰি বাংলাদেশলৈ ঘূৰাই পঠিওৱা হৈছে। ‘X’ত এটা পোষ্ট দি কয় যে, “लातों के भूत बातों से नहीं मानते।” আমি এই অনুপ্ৰৱেশকাৰীসকলক অসমৰ পৰা বহিষ্কাৰ কৰিছোঁ, তেওঁলোকে নিজাববীয়াকৈ যাবলৈ অস্বীকাৰ কৰাৰ পিছতো।”
लातों के भूत बातों से नहीं मानते।
We continuously remind ourselves of this prophetic line when we expel infiltrators from Assam who don’t leave themselves.
For instance these 20 illegal Bangladeshis who were PUSHED BACK last night.
Assam will fight, Pushbacks WILL CONTINUE. pic.twitter.com/wLiIoR4TJc
— Himanta Biswa Sarma (@himantabiswa) April 25, 2026
তেওঁ লগতে কয়, “অসমে যুঁজিব। খেদি পঠিওৱা এই প্ৰক্ৰিয়া অব্যাহত থাকিব।” অবৈধ বাংলাদেশীৰ দুখন ফটোও সংলগ্ন কৰে হিমন্ত বিশ্ব শৰ্মাই, কিন্তু তেওঁলোকৰ মুখ ঢাকি ৰখা হয়।
বাংলাদেশে এই কথাত জোৰ দি কয়, দুয়োখন চুবুৰীয়া দেশৰ মাজত সম্পৰ্কত হেঁচা পৰা বুলি কৰা ৰাজহুৱা বক্তব্য ক্ষতিকাৰক। স্পৰ্শকাতৰ দ্বিপাক্ষিক বিষয়সমূহৰ ওপৰত আলোচনা কৰাৰ সময়ত সংযম ৰখাৰ গুৰুত্বৰ ওপৰত আলোকপাত কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
