‘বেহাৰবাৰী আউটপোষ্ট’ হৈছে অসমৰ টেলিভিছনৰ এখন জনপ্ৰিয় আৰু ধেমেলিয়া ধাৰাবাহিক। ৰেঙণি (Rengoni) চেনেলত সম্প্ৰচাৰিত এই ধাৰাবাহিকখনে দৰ্শকক হাঁহি-ধেমালি আৰু সামাজিক বাৰ্তাৰে মুগ্ধ কৰি ৰাখিছে।
ধাৰাবাহিকখনৰ প্ৰতিটো খণ্ডই দৰ্শকৰ পৰা বিপুল সঁহাৰি লাভ কৰিছে। এইখন হৈছে টিভিত সম্প্ৰচাৰিত হোৱা আটাইতকৈ দীঘলীয়া ধাৰাবাহিক।
কিন্তু আজি এই ধাৰাবাহিকখনৰ লগত জড়িত এক দুঃখবৰ আহিছে। যি খবৰে সাংস্কৃতিক ক্ষেত্ৰখনতো প্ৰভাৱ পেলাইছে।
ধাৰাবাহিকখনত অভিনয় কৰা অভিনেতা বিদ্যুৎ বড়োৰ মৃত্যু হয়। তেওঁ ধাৰাবাহিকখনত মুকুতাৰ অফিছৰ বছ হিচাপে অভিনয় কৰিছিল।
তেওঁ ৰেঙনি টিভি পৰিয়ালৰ সদস্যৰ লগতে জেষ্ঠ প্ৰডাকচন মেনেজাৰো আছিল।
তথ্যনুসৰি, অভিনেতাজন বহুদিনধৰি বৃক্কজনীত সমস্যাত ভুগি আছিল। আজি পুৱা অহা অভিনেতাজনৰ মৃত্য়ুৰ খবৰে সাংস্কৃতিক জগতত শোকৰ ছাঁ পেলাইছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
