আজি দেশৰ ৰাজহুৱা খণ্ডৰ লগতে ব্যক্তিগত খণ্ডৰো সকলো বেংক বন্ধ থাকিব। বেংক কৰ্মচাৰী সংগঠনসমূহে কেইবাটাও দাবীৰ সমৰ্থনত ধৰ্মঘটৰ আহ্বান জনাইছে। ইয়াৰ ভিতৰত অন্যতম হৈছে সপ্তাহত ৬ দিনৰ পৰিৱৰ্তে পাঁচ দিনহে বেংক খোলা ৰখাৰ দাবী, লগতে Performance Linked Incentive (PLI) আৰু আন কৰ্মচাৰী-সম্পৰ্কীয় বিষয়ৰ দাবীত বেংক কৰ্মচাৰী সন্থাই এই ধৰ্মঘট পালন কৰিছে। সেয়ে আজি বহু বেংকৰ শাখাত কৰ্মচাৰী উপস্থিত নথকাৰ বাবে কাউণ্টাৰ সেৱা আৰু শাখাভিত্তিক কাম-কাজ বন্ধ বা যথেষ্ট ধীৰগতিৰ হ’ব পাৰে।
কোন কোন বেংকত প্ৰভাৱ পৰিব?
এই ধৰ্মঘট কেৱল এটা বা দুটা বেংকৰ বাবে নহয়। ৰাজহুৱা খণ্ডৰ বেংকৰ লগতে বহু ব্যক্তিগত বেংকৰ কাম-কাজতো প্ৰভাৱ পৰাৰ আশংকা আছে, কাৰণ বিভিন্ন বেংক কৰ্মচাৰী সংগঠন UFBUৰ ধৰ্মঘটৰ সৈতে জড়িত। বিশেষকৈ SBI, PNB, UCO Bank, Indian Bank, Bank of Maharashtra আদি বেংকে গ্ৰাহকসকলক সম্ভাব্য অসুবিধাৰ বিষয়ে সতৰ্ক কৰিছে।
ATM বন্ধ হ’ব নেকি?
ATM সম্পূৰ্ণৰূপে বন্ধ হোৱাৰ আশংকা কম। ধৰ্মঘটৰ মাজতো সকলো বেংকৰ ATM সেৱা সাধাৰণভাৱে চলি থাকিব। কিন্তু এটা কথা মনত ৰখা ভাল—ATM মেচিনত নগদ ধন ভৰোৱা আৰু কাৰিকৰী সমস্যাৰ সমাধানৰ দৰে কামত শাখা বা কৰ্মচাৰীৰ ওপৰত নিৰ্ভৰতা থাকে। সেয়ে দীৰ্ঘসময়ৰ বাবে একেৰাহে বেংক বন্ধ থাকিলে কোনো কোনো ATMত নগদ ধনৰ সমস্যা হ’ব পাৰে।
UPI, Google Pay, PhonePe বন্ধ হ’ব নেকি?
সাধাৰণভাৱে UPI, মোবাইল বেংকিং আৰু ইণ্টাৰনেট বেংকিং চলি থকিব। অৰ্থাৎ Google Pay, PhonePe, Paytm বা বেংকৰ নিজা UPI/মোবাইল বেংকিং সেৱাৰে ধন লেনদেন কৰিব পৰা যাব। একেদৰে NEFT আৰু RTGSৰ দৰে ডিজিটেল ফাণ্ড ট্ৰেন্সফাৰ সেৱাও উপলব্ধ থকিব। অৱশ্যে কোনো বেংকৰ নিজা app, server বা payment systemত কাৰিকৰী সমস্যা থাকিলে সাময়িক অসুবিধা হ’ব পাৰে। ধৰ্মঘটৰ বাবে সমগ্ৰ দেশৰ অনলাইন বেংকিং বন্ধ হোৱা বুলি ধৰা উচিত নহয়।
কোনবোৰ কামত বেছি সমস্যা হ’ব?
আজি বিশেষকৈ বেংক শাখাত নগদ জমা/উলিওৱা, চেক জমা আৰু ক্লিয়াৰেন্স, নতুন একাউণ্ট খোলা, KYC বা নথি জমা, Passbook update, বেংকৰ কাউণ্টাৰত কৰা অন্যান্য কাম, ঋণ, ড্ৰাফ্ট বা আন শাখাভিত্তিক সেৱা, ধৰ্মঘটৰ বাবে শাখাভিত্তিক কামত পলম হোৱাৰ আশংকা আছে লগতে আৰু এটা গুৰুত্বপূৰ্ণ কথা হৈছে—আগন্তুক কেইদিনো বেংকৰ কামত প্ৰভাৱ থাকিব
আজিৰ উপৰিও কাইলৈ অৰ্থাৎ ১২ ছেপ্টেম্বৰ শনিবাৰে মাহটোৰ দ্বিতীয় শনিবাৰ আৰু ১৩ ছেপ্টেম্বৰ দেওবাৰ। ফলত এই দুদিনো সাধাৰণ বেংক শাখা বন্ধ থাকিব। ইয়াৰ পিছত ১৪ ছেপ্টেম্বৰত গণেশ চতুৰ্থীৰ বাবে কেইবাখনো ৰাজ্য/চহৰত বেংক বন্ধ থাকিব। অৰ্থাৎ কিছুমান অঞ্চলত ১১ৰ পৰা ১৪ ছেপ্টেম্বৰলৈ একেৰাহে চাৰিদিন শাখাভিত্তিক বেংকিং সেৱাত বাধা পৰিব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
