টোপনি গ’লেই নাকৰ শব্দই চৌদিশে ৰজনজনাই? শৰীৰত এই ভিটামিনৰ ঘাটিৰ ইংগিত নহয়তো?

নিশা শোৱাৰ সময়ত সদায়ে নাকে শব্দ দিয়ে? টোপনিত নাকে শব্দ দিয়াৰ বাবে বহুতেই অস্বস্তিতো ভূগে৷ কিন্তু কিয় এই সমস্যা হয়? বহুতেই টোপনিত নাক বাজিলে তাক সাধাৰণ সমস্যা বুলিয়েই ধৰি লয়৷ সাধাৰণতে ঘুমন্ত অৱস্থাত নাক,মুখ, ডিঙিৰ পৰা আৰম্ভ কৰি শ্বাসনলীৰ কোনো অংশত বায়ুৱে বাধা পালেই এনে শব্দ তৈয়াৰ হয়৷ কিন্তু বহুতেই নাজানে এই নাক বজাৰ নেপথ্যত থাকিব পাৰে ভিটামিন ডিৰ ঘাটিও৷ যি বেছিভাগ মানুহেই বুজিব নোৱাৰে৷ বিশেষজ্ঞৰ মতে বৰ্তমান বহু মানুহৰ শৰীৰত ভিটামিন ডিৰ মাত্ৰা কম৷ এই ভিটামিনে কেৱল হাড়েই মজবুত নাৰাখে, ইয়াৰ সৈতে পেশী, শ্বাসনলী আৰু ৰোগ প্ৰতিৰোধ ক্ষমতাৰ সৈতেও যুক্ত৷

কেনেকৈ ভিটামিন ডিৰ ঘাটি বাবে নাক বাজে? চিকিৎসকৰ বাখ্যা অনুসৰি ভিটামিন ডিয়ে শৰীৰৰ বিভিন্ন পেশীক শক্তিশালী কৰি ৰাখে৷ ইয়াৰ মাজত আছে ডিঙি আৰু শ্বাসনলীৰ পেশী৷ যেতিয়া ভিটামিন ডি কমি যায় তেতিয়া এই পেশীসমূহ ঢিলা হৈ পৰে৷ ফলত টোপনিৰ সময়ত শ্বাসনলী আংশিকভাৱে বন্ধ হৈ যায় আৰু বতাহ চলাচলৰ সময়ত শব্দ তৈয়াৰ হয়৷

ইয়াৰোপৰি ভিটামিন ডি কম থাকিলে শৰীৰৰ ভিতৰত ফোলাভাৱ বাঢ়িব পাৰে৷ ইয়াৰ প্ৰভাৱ নাক আৰু ডিঙিৰ ভিতৰত পৰে৷ ফলত শ্বাস লোৱা আৰু কঠিন হৈ পৰে আৰু নাকে শব্দ দিয়াৰ সমস্যা বাঢ়ে৷ এইক্ষেত্ৰত কেৱল নাকে শব্দ দিয়াই নহয় আৰু অন্য অন্য লক্ষণেও দেখা দিব পাৰে৷

চিকিৎসকে জনোৱা অনুসৰি ভিটামিন ডৰ ঘাটি হ’লে কেৱল নাকে শব্দ দিয়াই নহয় আৰু কিছু সমস্যাই দেখা দিয়ে৷ যেনে ক্লান্ত অনুভৱ হোৱা, ঠিকমতে টোপনি নোহোৱা, পেশিত বিষ বা দুৰ্বলতা, বাৰে বাৰে চৰ্দি কাঁহ হোৱা, মন বেয়া হোৱা বা মনোযোগ কমি যোৱা৷