বিবাহবহিৰ্ভূত সম্পৰ্কৰ বাবেই আকৌ এটা নৃশংস হত্যাকাণ্ড। এইবাৰ স্বামীক হত্যা কৰিবলৈ সহায় কৰিলে পত্নীয়ে। কেৱল সেয়াই নহয়, স্বামীৰ মৃত্যুৰ পাছতেই মৃতদেহৰ কাষত প্ৰেমিকৰ সৈতে উদ্দাম যৌনতাত মত্ত হৈ উঠে পত্নী। ভয়াৱহ এই ঘটনাটোৰ তদন্তত নামি হতচকিত হৈ উঠিছে আৰক্ষীও।
সৰ্বভাৰতীয় সংবাদমাধ্য়ম সূত্ৰৰ পৰা জনা গৈছে ঘটনাটো ঘটিছে বিহাৰৰ সমস্তিপুৰ জিলাত। আৰক্ষীয়ে জনাইছে যে ৩০ বছৰ বয়সীয়া মৃত যুৱকৰ নাম সোনু ঝা। নিজ গৃহতেই নৃশংসভাৱে হত্যা কৰা হয় সোনুক। পেছাত যুৱক এজন ৰিক্সা চালক আছিল। আৰক্ষীৰ জেৰাত সোনুৰ স্ত্ৰী অস্মিতা ঝাই স্বীকাৰ কৰিছে যে তেওঁ স্বামীক নৃশংসভাৱে হত্যা কৰাৰ সমগ্ৰ ঘটনা নিজ চকুৰেই দেখিছে। আনকি এই ঘটনাত তেওঁ নিজেও জড়িত। মূল অভিযুক্ত অস্মিতাৰ প্ৰেমিক হৰিওম। হৰিওম ঘটনাৰ পাছৰে পৰাই পলাতক।
তদন্তত নামি আৰক্ষীয়ে জানিব পাৰিছে যে হত্যাকাণ্ডটো ঘটিছে শুক্ৰবাৰৰ নিশা। সেইদিনা গভীৰ নিশা কাম এৰি হঠাৎ ঘৰলৈ উভতিছিল সোনু। যি সচৰাচৰ নহয়। সেইদিনা নিশা প্ৰায় ১ বাজি ৩০ মিনিটত মত্ত অৱস্থাত ঘৰলৈ উভতিছিল তেওঁ। ঘৰলৈ আহিয়েই ঘৰৰ ভিতৰত অস্মিতা আৰু হৰিওমক আপত্তিকৰ অৱস্থাত ধৰা পেলায়। প্ৰেমিকৰ সৈতে পত্নীয়ে যৌনতাত মত্ত হৈ থকাৰ সময়তে তেওঁক ধৰা পেলায়।
আৰক্ষীক অস্মিতাই জনাইছে যে নিশা ডেৰ বজাত তেওঁ আৰু প্ৰেমিক ঘৰত আছিল। গভীৰ নিশা সোনুৱে ৰিক্সাৰে ঘৰলৈ উভতে। সেই সময়ত সোনু ঘৰলৈ আহিব বুলি তেওঁ ভাৱিব পৰা নাছিল। ২০১৭ চনত সোনু আৰু অস্মিতা বিবাহবন্ধনত আৱদ্ধ হৈছিল। তেওঁলোকৰ দুই সন্তানো আছে। অশান্তিৰ সূত্ৰপাত দুই বছৰ পূৰ্বৰে পৰাই হৈছে। পেছাত হৰিওম এগৰাকী গৃহশিক্ষক। অস্মিতাৰ সন্তানক ঘৰলৈ পঢ়ুৱাবলৈ আহে। যি সময়ত তেওঁ ঘৰলৈ আহে সেই সময়ত সোনু কৰ্মসূত্ৰে বাহিৰতেই থাকে। সেই সুযোগতেই হৰিওমৰ সৈতে বিবাহবহিৰ্ভূত সম্পৰ্কত সোমাই পৰে অস্মিতা।
শুক্ৰবাৰে নিশা মত্ত অৱস্থাত ঘৰলৈ আহি পত্নী আৰু হৰিওমক একেলগে দেখি খঙত ফাটি পৰে সোনু। তেতিয়াই হৰিওমক মাৰধৰো কৰে সোনুৱে। কাজিয়াৰ মাজতেই লাঠিৰে সোনুক আঘাত কৰে হৰিওমে। অচেতন অৱস্থাত মাটিত বাগৰি পৰে সোনু। বিদ্যুতৰ তাঁৰ ডিঙিত মেৰিয়াই হৰিওমে সোনুক হত্যা কৰে। সোনুৰ মৃত্যু নিশ্চিত কৰিবলৈ ইলেক্ট্ৰিক শ্বকো দিয়ে হৰিওমে।
ঘটনা ইমানতেই শেষ নহয়। সোনুৰ মৃত্যুৰ পাছত অস্মিতা আৰু হৰিওমে যি কৰে সেই ঘটনাই আৰক্ষীক আচৰিত কৰি তুলিছে। জনা গৈছে সোনুৰ মৃতদেহৰ কাষতেই উদ্দাম যৌনতাত মত্ত হৈ উঠে অস্মিতা আৰু হৰিওম। নিশাই একাধিকবাৰ সংগমত লিপ্ত হৈ পলাই যায় হৰিওম। এই ঘটনাৰ পাছতেই আৰক্ষীক অস্মিতাই জনাইছিল যে ইলেক্ট্ৰিক শ্বক লাগি তেওঁৰ স্বামীৰ মৃত্যু হৈছে। কিন্তু ঘটনাক লৈ প্ৰথমৰে পৰাই সন্দেহ কৰিছিল সোনুৰ পিতৃয়ে। তেওঁ দেৱালত তেজৰ দাগৰ কথা আৰক্ষীক জনায়। তাৰপিছতেই ঘটনাই লয় অন্য় মূৰ। আৰক্ষীয়ে সোনুৰ মৃতদেহ মৰোণোত্তৰ পৰীক্ষাৰ বাবে পঠোৱাৰ পাছতেই জানিব পাৰে যে সোনুৰ শৰীৰত একাধিক আঘাৰত চিহ্ন আছে। ডিঙিত আঘাত কৰাৰ ফলতেই মৃত্যু হৈছে সোনুৰ। বৰ্তমান আৰক্ষীয়ে অস্মিতাক এই ঘটনাৰ বাবে গ্ৰেপ্তাৰ কৰি অধিক তথ্যৰ বাবে জেৰা অব্যাহত ৰাখিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
