৪ দিন পূৰ্বেই নিহত হৈছিল পুত্ৰ, একেটা ঘৰতে থাকিয়ো অজ্ঞাত অন্ধ পিতৃ-মাতৃ, মাত দি থাকিল পুত্ৰক
হায়দৰাবাদৰ এহাল বৃদ্ধ দম্পতীয়ে নিজৰ পুত্ৰৰ মৃতদেহ লৈ চাৰিদিন ধৰি বাস কৰি আছিল। খাদ্য-পানীৰ বাবে অবিৰতভাৱে মাত দিও আছিল পুত্ৰক। কেতিয়াবা খাদ্য বিচাৰিছিল আৰু কেতিয়াবা পানী বিচাৰি মাতি আছিল কিন্তু কোনো সঁহাৰি পোৱা নাছিল পুত্ৰৰ ফালৰ পৰা।
কিয়নো বৃদ্ধি অন্ধ পিতৃ-মাতৃক কেৱল পুত্ৰই হে যোগাৰ ধৰিছিল খাদ্য-পানীৰ। সেইয়ে পুত্ৰকেই মাতি থাকিল দুয়ো অন্ধ পিতৃ-মাতৃ। কিন্তু ৪ দিন ধৰি নাছিল পুত্ৰৰ কোনো খা-খবৰ। কাৰণ ৪ দিন পূৰ্বেই মৃত্যু ঘটে পুত্ৰৰ।
অৱশেষত কোনো খাদ্য-পানী নাপাই অৰ্ধচেতন হৈ পৰে দুয়ো পিতৃ-মাতৃ। আনহাতে ৪ দিন ধৰি ঘৰৰ ভিতৰতে পৰি থাকে পুত্ৰৰ নিথৰ দেহ। যাৰ ফলত অৱশেষত দুৰ্গন্ধ বিয়পি পৰে চাৰিওফালে। চুবুৰিয়াই সেই দুৰ্গন্ধ পোৱাৰ পাছতেই খবৰ কৰে আৰক্ষীক।
আৰক্ষী ঘটনাস্থলীত উপস্থিত হৈ দৰ্জা খুলি যেতিয়া ঘৰৰ ভিতৰত প্ৰৱেশ কৰে তেতিয়াই আচৰিত হৈ পৰে সকলো। কিয়নো এফালে অন্ধ পিতৃ-মাতৃ অৰ্ধচেতন অৱস্থাত আনাফালে পুত্ৰৰ নিথৰ দেহ। সেই নিথৰ দেহেই লাহে লাহে পচিবলৈ ধৰাত চাৰিওপালে দুৰ্গন্ধ বিয়পি পৰে।
তেতিয়াহে চুবুৰিয়াই এই বিষয়ে কিছু সন্দেহ হোৱাত আৰক্ষীক খবৰ কৰাত সকলো ওলাই পৰে। আৰক্ষীয়ে লগে লগে বৃদ্ধ পিতৃ-মাতৃ হালক উদ্ধাৰ কৰি হাস্পতাললৈ প্ৰেৰণ কৰাৰ লগতে খাদ্য-পানী যোগাৰ ধৰে। তেতিয়াহে কিছু সুস্থিৰ হয় দম্পতি হাল।
আনহাতে ৩০ বছৰীয়া পুত্ৰৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে। প্ৰাথমিক তদন্তত আৰক্ষীয়ে জানিবলৈ দিয়া অনুসৰি ৪-৫ দিন মান পূৰ্বে নিশা শুই থকা অৱস্থাতে মৃত্যু ঘটে পুত্ৰৰ। এতিয়া মৰণোত্তৰ পৰীক্ষাৰ পাছতহে জানিব পৰা যাব পুত্ৰৰ মৃত্যুৰ প্ৰকৃত কাৰণ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
