কাইলৈ ৭ ছেপ্টেম্বৰৰ নিশা চন্দ্ৰগ্ৰহণ৷ নিশা ৯ বাজি ৫৮ মিনিটৰ পৰা নিশা ১ বাজি ২৬ মিনিট পৰ্যন্ত গ্ৰহণ চলিব৷ এয়া এই বছৰৰ শেষ চন্দ্ৰগ্ৰহণ৷ এই পূৰ্ণগ্ৰাস চন্দ্ৰগ্ৰহণ ভাৰতৰ পৰা দেখা যাব৷ আকাশ পৰিষ্কাৰ থাকিলে অসমৰ পৰাও এই গ্ৰহণ দৃশ্যমান হব৷ গ্ৰহণ চলিব প্ৰায় ১২৪৮২ ছেকেণ্ড ধৰি৷ এই সময়ৰ মাজত আকাশত দেখা দিব গ্ৰহণৰ ৰঙা চন্দ্ৰ৷ গ্ৰহণৰ সময়ত পৃথিৱীৰ ছায়া চন্দ্ৰৰ ওপৰত পৰাত চন্দ্ৰই ৰক্তবৰ্ণ ধাৰণ কৰে৷ এই চন্দ্ৰক ৰঙা চন্দ্ৰ বুলি কোৱা হয়৷
এই পূৰ্ণগ্ৰাস চন্দ্ৰগ্ৰহণ ভাৰতৰ পৰা দেখা যাব৷ সেই কাৰণেই ভাৰতৰ পৰা সূতক কাল কাৰ্যকৰী হব৷ বৈদিক জ্যোতিষত গ্ৰহণক অশুভ ঘটনা বুলি ধাৰণা কৰা হয়৷ গ্ৰহণৰ প্ৰভাৱ অশুভ বাবেই গ্ৰহণ চলাৰ সময়ত বিভিন্ন সতৰ্কতা অৱলম্বন কৰাৰ পৰামৰ্শ দিয়া হৈছে৷ জ্যোতিষ গণনা অনুসৰি ৭ ছেপ্টেম্ববৰৰ চন্দ্ৰগ্ৰহণে কোন কোনো ৰাশিৰ জাতকৰ বাবে অত্যন্ত ক্ষতিকৰ প্ৰভাৱ কঢ়িয়াই আনিব? ক্ষতিগ্ৰস্থ হ’ব কোন কোন ৰাশিৰ জাতক?
বৃষ ৰাশি
চন্দ্ৰগ্ৰহণৰ প্ৰভাৱত এটাৰ পাছত আনটো সমস্যাত পৰিব বৃষ ৰাশিৰ জাতক৷ সাংসৰিক কোনো পুৰণি ঝামেলাত সোমাই পৰিব পাৰে৷ ব্যৱসায়ীসকলৰ ধন ব্যয় হব পাৰে৷ গ্ৰহণৰ পাছত কিছুদিন ধৰি আৰ্থিক সংকটত ভূগিব পাৰে আপুনি৷ প্ৰবীণ ব্যক্তিয়ে স্বাস্থ্যৰ যত্ন লওক৷ গ্ৰহণৰ পাছত গংগাজলেৰে ঘৰ পৰিষ্কাৰ কৰিলে অশুভ প্ৰভাৱ কাটিব৷
কুম্ভ ৰাশি
বছৰৰ শেষ চন্দ্ৰগ্ৰহণৰ ক্ষতিকৰ প্ৰভাৱ কুম্ভ ৰাশিৰ জাতকৰ ওপৰত লক্ষ্য কৰা যাব৷ এই সময়ত আপোনাৰ মনত অশান্তি থাকিব আৰু দাম্পত্য জীৱনতো সমস্যাত পৰিব পাৰে৷ কাষৰ মানুহৰ সৈতে সম্পৰ্কত দূৰত্ব আহিব৷ গৰ্ভৱতী মহিলাসকলৰ স্বাস্থ্য বেয়া হব পাৰে৷ খোৱাবোৱাৰ দিশত যত্ন ৰাখক আৰু অকলে ঘৰৰ পৰা বাহিৰ নোহোৱাই ভাল৷ কুম্ভ ৰাশিৰ জাতকে গ্ৰহণৰ দিনা পুৱা আৰু সন্ধিয়া আৰাধ্য দেৱদেৱীৰ পূজা কৰক, মহামৃত্যুঞ্জয় মন্ত্ৰ জপ কৰক৷
মীন ৰাশি
গ্ৰহণৰ প্ৰভাৱত জীৱনত ডাঙৰ সমস্যা আহিব মীন ৰাশিৰ জাতকৰ৷ এই সময়ত আপোনাৰ আৰ্থিক সংকট বাঢ়িব৷ খৰধৰকৈ কোনো সিদ্ধান্ত ললে সেয়া ক্ষতিৰ কাৰণ হব পাৰে৷ ক্লান্তি আৰু দুৰ্বলতাই আপোনাক গ্ৰাস কৰিব৷ প্ৰবীণসকল অসুস্থ হৈ পৰিব পাৰে৷ মহিলাৰ ক্ষেত্ৰত মানসিক অশান্তি বাঢ়িব পাৰে৷ গ্ৰহণৰ অন্তত অৰ্থদান কৰিলে ইয়াৰ প্ৰভাৱৰ পৰা মুক্তি পাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
