বলীউডত আৰম্ভ হৈছে দু্ৰ্যোগৰ দিন! ব্ৰহ্মাস্ত্ৰই বক্স অফিচত সফলতা লাভ কৰিছে যদিও শেহতীয়াভাৱে নিৰ্মাণ হোৱা বলীউডৰ প্ৰায়সমূহ ছবিয়েই পূৰ্বৰ দৰে সফলতা লাভ কৰিব পৰা নাই। বলীউডক চেৰ পেলাই আগবাঢ়িছে এতিয়া দক্ষিণৰ চিনেমা। কেৱল চিনেমাই সফল তেনে নহয়। দক্ষিণৰ অভিনেতা অভিনেত্ৰীৰ জনপ্ৰিয়তাও দিনক দিনে বৃদ্ধি পাবলৈ ধৰিছে।
দক্ষিণৰ চিনেমাই সমগ্ৰ দেশতেই জনপ্ৰিয়তা লাভ কৰাৰ পিছতেই বলীউডৰ প্ৰায়সমূহ নামী দামী প্ৰযোজক এতিয়া দক্ষিণৰ চিমেমা ইণ্ডাষ্ট্ৰীৰ শৰণাপন্ন হৈছে। শেহতীয়াভাৱে বলীউড ভাইজান ছলমান খানো ব্যস্ত হৈ আছে এখন ছবি নিৰ্মাণৰ কামত। ছলমান খানৰ নিজা প্ৰডাকছনত নিৰ্মাণ হৈ থকা ছবি ‘কিছিকা ভাই কিছিকি জান’ নেটিজেনৰ মাজত চৰ্চাৰ কেন্দ্ৰ হৈ পৰিছে।
চৰ্চা নহ’বনো কিয়? ছবিখন নিৰ্মাণ হৈ থকাৰ সময়তে চিনেমা সমালোচকে প্ৰকাশ কৰা অনুসৰি ভাইজানে দক্ষিণৰ চিনেমা অনুসৰণ কৰিবলৈ বাধ্য হৈছে। দক্ষিণৰ জনপ্ৰিয় ছবি KGFৰ দুয়োটা চেপ্টাৰকেই অনুসৰণ কৰিছে ভাইজানে৷ ছবিখনত ভাইজানে KGF-ৰ দৰেই দীঘল চুলি ৰখাৰ ওপৰিও ছবিখনত থকা সংগীতটো দক্ষিণৰ স্পৰ্শ আছে৷
লগতে পঢ়ক সাপ উদ্ধাৰ কৰি অৰণ্যত এৰি দিয়াটোৱে আছিল জীৱনৰ নিচা! সৰ্প দংশনত মৃত্যু এজন সৰ্পমানৱৰ
এসময়ত ভাইজানৰ ছবি বুলিলেই ২০০-৩০০ কোটিৰ বাণিজ্যিক সফলতা আছিল৷ কিন্তু ২০১৬ চনৰ চুলতানৰ পিছত এই ধাৰা অটুত ৰাখিব পৰা নাই ভাইজানে৷ চুলতানৰ পিছত কোনো ছবিতেই সফলতা লাভ কৰা নাই ভাইজানে৷
কাৰো কাষতেই নতশীৰ নোহোৱা ভাইজানে অৱশেষত দক্ষিণৰ চিনেমাক অনুসৰণ কৰা বুলি সমালোচকে চৰ্চা চলোৱাৰ মাজতেই ভাইজানে প্ৰকাশ কৰা এটা ক্লিপত দেখা গৈছে ভাইজানৰ বহু অনুৰাগীৰ শুভেচ্ছা৷ শ্বেয়াৰ কৰা ক্লিপটো লাডাখৰ; ক্লিপটো শ্বেয়াৰ কৰি কেপচনত লিখিছে, ভাইজানৰ ৩৪ বছৰীয়া অভিনয় জীৱনৰ সকলোতকৈ শ্ৰেষ্ট ছবি হ’ব ‘কিছিকা ভাই কিছিকি জান৷’
উল্লেখ্য যে ছবিখনে দক্ষিণৰ চিনেমাক সঁচাকৈয়ে অনুসৰণ কৰিছেনে সেই কথা ছবিখন মুক্তিৰ পিছতহে স্পষ্ট হ’ব যদিও নেটিজেনসকলে কৰা চৰ্চাই ভাইজানৰ এই ছবিক সফল ৰূপ দিব বুলি একাংশ সমালোচকে প্ৰকাশ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
