পুনৰ বোমাতংক, ৪০ খনকৈ বিদ্যালয় বোমাৰে উৰুৱাই দিয়াৰ ভাবুকি, ৰাজধানীত হাহাকাৰ
ৰাজধানী দিল্লীত পুনৰ বোমাতংক। এখন দুখন নহয়, মুঠ ৪০খনকৈ বিদ্যালয়ে লাভ কৰিলে ভাবুকি। য’ত দিল্লীৰ আগশাৰীৰ ডি পি এছ আৰ কে পুৰম আৰু পাছিম বিহাৰৰ জি ডি গোৱেংকা স্কুলেও লাভ কৰিছে বোমাৰ ভাবুকি। মেইল যোগে লাভ কৰে এই বোমাতংকৰ ভাবুকি।
যাৰ পিছতে বিদ্যালয়সমূহে ছাত্ৰ-ছাত্ৰীসকলক ঘৰলৈ ঘূৰাই পঠিয়াই। বন্ধ হৈ পৰে বহু বিদ্যালয়। বোমা বিস্ফোৰণৰ ভাবুকিৰ পিছতে অগ্নিনিৰ্বাপক বাহিনী আৰু আৰক্ষীৰ তদন্ত আৰম্ভ
দিল্লী আৰক্ষীয়ে জনোৱা মতে, সোমবাৰে দিল্লীৰ বহু বিদ্যালয়ত বোমা বিস্ফোৰণৰ ভাবুকি আহিছিল। য’ত ডি পি এছ আৰ কে পুৰম আৰু পাছিম বিহাৰৰ জি ডি গোৱেংকা স্কুল, মাদাৰ মেৰী স্কুল, ব্ৰিটিছ স্কুল, ছালৱান পাব্লিক স্কুল, কেম্ব্ৰিজ স্কুলকে ধৰি বহু বিদ্যালয় অন্তৰ্ভুক্ত হৈছে।
আজি ৯ ডিচেম্বৰ তাৰিখে ই-মেইলৰ জৰিয়তে ৪০ খনতকৈও অধিক বিদ্যালয়ে বোমা বিস্ফোৰণৰ ভাবুকি লাভ কৰিছে। মেইলত লিখা আছে যে- ‘মই অট্টালিকাবোৰৰ ভিতৰত বহুতো বোমা স্থাপন কৰিছো। বোমাবোৰ সৰু আৰু বহুত ভালকৈ লুকুৱাই থোৱা আছে। ইয়াৰ ফলত অট্টালিকাটোৰ বিশেষ ক্ষতি নহ’ব যদিও বোমা বিস্ফোৰণৰ ফলত বহু লোক আহত হ’ব। যদি মই ৩০ হাজাৰ ডলাৰ নাপাওঁ তেন্তে মই বোমা বিস্ফোৰণ কৰিম’।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
