এটি ছবৰীয়া শিশুৱে সাগৰৰ পাৰত সাগৰীয় শামুকৰ খোলা বিচাৰি থাকোতে কে’বা নিযুত বছৰ পুৰণি বিশাল মেগালোডন ছাৰ্কৰ এটা দাঁত উদ্ধাৰ কৰিছে৷
সংবাদ মাধ্যমত প্ৰকাশিত খবৰৰ মতে চামি শ্বেলটন নামৰ শিশুটোৱে সদায় পৰিয়ালৰ সৈতে গ্ৰেট ব্ৰিটেইনৰ সাগৰৰ পাৰত সাগৰীয় শামুকৰ খোলা বিচাৰি যায়৷
সাগৰৰ পাৰত সাগৰীয় শামুকৰ খোলা বিচাৰি থাকোতেই ৬ বছৰীয়া চামি শ্বেলটনে প্ৰায় চাৰি ইঞ্চিৰ বৃহদাকাৰৰ মেগালোডন ছাৰ্কৰ এটা দাঁত আৱিষ্কাৰ কৰে৷
লগতে পঢ়ক গৰমত ব্ৰা পিন্ধাটো অস্বস্তিকৰ নেকি? ব্ৰাৰ জোখ লোৱাৰ সময়ত কি কৰিব?
উল্লেখ্য যে প্ৰতি বছৰে ব্ৰিটেইনৰ সাগৰৰ পাৰত প্ৰকাণ্ড প্ৰাণীবোৰৰ কিছুমান দাঁত পোৱা যায়৷ কিন্তু ইমান পুৰণি অৰ্থাৎ কে’বা নিযুত বছৰৰ পুৰণি দাঁত সাধাৰণতে আৱিষ্কাৰ কৰা নাযায়৷ শিশুটোৱে যিটো দাঁত আৱিষ্কাৰ কৰিছে সেইটো বৰ্তমানৰ প্ৰকাণ্ড সাগৰীয় প্ৰাণী বগা হাঙৰতকৈ প্ৰায় তিনিগুণ ডাঙৰ বুলি প্ৰকাশ পাইছে।
সেয়েহে কে’বা নিযুত বছৰৰ পূৰ্বে পৃথিৱীৰ পৰা বিলুপ্ত হোৱা প্ৰকাণ্ড মেগালোডন ছাৰ্কৰ দাঁত লাভ কৰা চেমি শ্বেলটন নামৰ শিশুটিক সৌভাগ্যৱান বুলি সংবাদ মাধ্যমত চৰ্চা লাভ কৰিছে৷
প্ৰকাশিত খবৰৰ মতে চেমিয়ে দাঁতটো লাভ কৰি ঘৰলৈ লৈ যোৱাৰ লগতে সহপাঠীসকলক দেখুওৱাবলৈ স্কুললৈও লৈ গৈছিল৷
লগতে পঢ়ক পিঠিৰ শালমইনাৰ পৰা কেনেকৈ পৰিত্ৰাণ পাব? চাওক দুটামান ঘৰুৱা উপায়…
ইফালে এই দাঁতটো লাভ কৰি চামিয়ে আনন্দত আত্মহাৰা হোৱা বুলি প্ৰকাশ কৰিছে তেওঁৰ দেউতাক পিটাৰ শ্বেল্টনে৷ পিটাৰ শ্বেলটনে প্ৰকাশ কৰিছে তেওঁ পুত্ৰ চামিয়ে শোৱাৰ সময়ত সদায়ে দাঁতটো নিজৰ কাষতে বিচনাতে থৈ লয়৷
‘‘সঁচাকৈয়ে আমি সাগৰৰ পাৰত শামুকৰ ধুনীয়া খোলাবোৰ বিচাৰি আছিলো আৰু তেতিয়াই আমি এই মেগালোডন দাঁতটো পাইছিলো। এইটো ডাঙৰ আৰু অতি গধুৰ আছিল। এইটো এটা বিশেষ বস্তু বুলি বুজি পালেও সাগৰৰ পাৰত আনক নেদেখুওৱালৈকে মই ইয়াৰ তাৎপৰ্য অনুভৱ কৰিব পৰা নাছিলো৷’’ চামিৰ দেউতাক পিটাৰে সংবাদ মাধ্যমৰ আগত কয়।
উল্লেখ্য যে এই মেগালোডন ছাৰ্কৰ দাঁত লাভ কৰাটো সমুদ্ৰ তীৰৰ এক সৰ্বশ্ৰেষ্ঠ আৱিস্কাৰ বুলিয়ে বিবেচিত হৈ আহিছে৷ ইয়াৰ পূৰ্বে এজন যুৱকে ৱেষ্ট ৰুণ্টনত সমুদ্ৰ তীৰত ভ্ৰনণ কৰি থাকোতে হাঙৰ দাঁতৰ টুকুৰা আৰু জীৱাশ্ম আৱিস্কাৰ কৰিছিল৷
লগতে পঢ়ক বিৰোধীক প্ৰচণ্ড আঘাত অৰবিন্দ কেজৰিৱালৰ; ২০২৪ত মহাজোঁটত নাথাকে আপ-এ
মেগালোডন হৈছে মেকেৰেল ছাৰ্কৰ এক বিলুপ্ত প্ৰজাতি সাগৰীয় প্ৰাণী, যি প্ৰায় ২৩ৰ পৰা ৩.৬ নিযুত বছৰ আগতে পৃথিৱীত বাস কৰিছিল৷ পূৰ্বতে ইয়াক বৃহৎ বগা হাঙৰৰ প্ৰজাতিৰ সাগৰীয় প্ৰাণী বুলি ভবা হৈছিল।
এই মেলাগোডন ছাৰ্ক হৈছে পৃথিৱীৰ ইতিহাসত আটাইতকৈ ডাঙৰ আৰু শক্তিশালী চিকাৰী প্ৰাণী, যিটোক ইয়াৰ জীৱাশ্মবোৰ অধ্যয়নৰ পৰা জানিব পৰা গৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ