আই পি এল ২০২২ৰ ফাইনেলৰ দিনা অৰ্থাৎ ২৯ মে’ত বলিউদৰ পাৰ্ফেক্টচনিষ্ট আমিৰ খান আৰু কৰীণা কাপুৰৰ নতুন ছবি লাল সিং চাদ্ধাৰ ট্ৰেইলাৰ মুক্তি পালে। অদ্বৈত চন্দনৰ পৰিচালনা আৰু এৰিক ৰথ আৰু অতুল কুলকৰ্ণীৰ ৰচনা কৰা লাল সিং চাদ্ধা ছবিখন চলিত বৰ্ষৰ অন্যতম প্ৰত্যাশিত ছবি। অৱশ্যে, এই ছবিখনৰ ট্ৰেইলাৰ মুকলি হোৱাৰ পিছতে সামাজিক মাধ্যম বিশেষকৈ টুইটাৰত ছবিখনৰ বৰ্জনৰ জোৱাৰ উঠিছে!
কালিৰ পৰা #BoycottLaalSinghChaddha টুইটাৰত ট্ৰেণ্ড আছে। ছ’চিয়েল মিডিয়া ব্যৱহাৰকাৰীসকলে ছবিখন বৰ্জন কৰাৰ অসংখ্য কাৰণ ব্যাখ্যা কৰা দেখা গৈছে৷ তাৰ মাজত আছে নেপটিজিম, দেশপ্ৰেম, আৰু অন্যান্য। তদুপৰি, নেটিজেনসকলে ছবিখনৰ ট্ৰেইলাৰ চাই ছবিখন অ’টিটি প্লেটফৰ্মত উপলব্ধ ফৰেষ্ট গাম্পৰ পৰা কপি কৰা বুলিও অভিযোগ কৰিছে৷
#BoycottLaalSinghChaddha কিন্তু কিয়?
লগতে পঢ়ক পপীয়া তৰাৰ দৰে খহি পৰিল কংগনা
বৰ্তমান টুইটাৰত #BoycottLaalSinghChaddha ট্ৰেণ্ডিঙত থকা ছবিখনৰ মুখ্য চৰিত্ৰটোৰ অভিনেতা আমিৰ খানক ট্ৰ’ল কৰি নেটিজেনসকলে পুৰণি বিতৰ্কিত বক্তব্য যেনে ‘ভাৰত অসহিষ্ণু,’ আদি প্ৰসঙ্গও উত্থাপন কৰিছে। এজন অনুৰাগীয়ে লিখিছে, ‘‘আমিৰ খানে কৈছিল ‘ভাৰত অসহিষ্ণু আৰু তেওঁ ভাৰত এৰিব বিচাৰে’ #BoycottBollywood #BoycottLaalSinghChaddha No Cleanchit Option In SSRCase (sic)।’’
বহু ট্ৰ’লাৰে আমিৰ খানৰ পুৰণি মন্তব্যবোৰ খান্দি উলিয়াই এইদৰে আক্ৰমণ কৰা দেখা গৈছে যিবোৰে পুনৰ পূৰ্বৰ দৰে বিতৰ্কৰ সৃষ্টি কৰিবলৈ আৰম্ভ কৰিছে।
Aamir Khan Said “India Is Intolerant and He wants to Leave India”#BoycottBollywood #BoycottLaalSinghChaddha
No Cleanchit Option In SSRCase pic.twitter.com/nnQOpw0EMo
— ANGRY BOT 🦋 🌟 🦋 🌟 🦋 (@United__4SSR) May 29, 2022
লগতে পঢ়ক ছালত হোৱা ভেঁকুৰৰ সংক্ৰামক ৰোগৰ পৰা কেনেকৈ উপশম লাভ কৰিব?
ইফালে, ছবিখনত আমিৰ খানৰ মাতৃৰ চৰিত্ৰত অভিনয় কৰিছে মোনা সিঙে আৰু দুয়োৰে মাজত এক ঘনিষ্ঠ সম্পৰ্ক আছে। ফৰেষ্ট গাম্পৰ বিখ্যাত সংলাপ, “মোৰ মাএ সদায় কৈছিল, জীৱনটো চকলেটৰ বাকচৰ দৰে আছিল। আপুনি কেতিয়াও নাজানে আপুনি কি পাব হৈ পৰিছে’’, ‘‘মায়ে কৈছিল জীৱনটো গোলগাপ্পাৰ দৰে, পেট ভৰ্তি হ’লেও মন নভৰে।’’ আদি সংযোজন কৰা হৈছে৷ লাল সিং চাদ্ধাৰ শৈশৱৰ প্ৰেমৰ চৰিত্ৰত অভিনয় কৰিছে কৰীণা কাপুৰে।
উল্লেখ্য যে হলিউদৰ ছবি ফৰেষ্ট গাম্পৰ অফিচিয়েল হিন্দী ৰিমেক হৈছে লাল সিং চাদ্ধা। ছবিখনৰ বাবে আমিৰে তেওঁৰ 3 ইডিয়টছৰ সহ অভিনেত্ৰী কৰীণা কাপুৰ খান আৰু মোনা সিঙৰ সৈতে পুনৰ অভিনয় কৰিছে।
এই ছবিখনৰ জৰিয়তে নাগাৰ্জুনৰ পুত্ৰ নাগা চৈতন্যৰো বলীউডত অভিষেক ঘটিব। মূল হলিউদ ছবিখনত টম হেংকছকে অভিনয় কৰিছিল। জানিব পৰা মতে, ছবিখনত শ্বাহৰুখ খানে কেমিঅ’ৰ চৰিত্ৰত অভিনয় কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
