অসম লাইভ২৪ঃ প্ৰধানমন্ত্ৰী হৈয়ো ৰেহাই নাপালে৷ ছিটবেল্ট পৰিধান নকৰাৰ বাবেই জৰিমনা বিহিব লগা হ’ল প্ৰধানমন্ত্ৰীয়ে৷ ছিটবেল্ট পৰিধান নকৰাৰ বাবেই প্ৰদানমন্ত্ৰীগৰাকীক বিহা হৈছে ১০,০০০ টকাৰ জৰিমনা৷ কেৱল জৰিমনাই নহয় আৰক্ষীৰ ওচৰত ক্ষমাও খুজিব লগা হৈছে প্ৰধানমন্ত্ৰীগৰাকীয়ে৷
ব্ৰিটেইনৰ প্রধানমন্ত্ৰী ঋষি চুনাকক জৰিমনা বিহাৰ বিষয়ে সমগ্ৰতে আৰম্ভ হৈছে চৰ্চা৷ বৃহস্পতিবাৰে লণ্ডনত গাড়ী চলাই যাওঁতেই আৰক্ষীৰ জালত পৰে ঋষি চুনাক৷ ইংলেণ্ডত ছিটবেল্ট নলগোৱাকৈ গাড়ী চলোৱাটোক অপৰাধ বুলি গণ্য কৰা হয়৷ এনেদৰে গাড়ী চলালে সৰ্বাধিক ৫০০ পাউণ্ড পৰ্যন্ত জৰিমনা বিহিব পাৰে৷ সেই নিয়ম প্রধানমন্ত্ৰীয়েই ভাঙিলে৷
আৰক্ষীয়ে প্ৰধানমন্ত্ৰী ঋষি চুনাকক ১০০ পাউণ্ড জৰিমনা বিহিছে৷ ভাৰতীয় টকাত এই ধনৰ পৰিমান হ’ব ১০,০০০ টকা৷ আৰক্ষীৰ কেমেৰাত বন্ধী হৈছিল কেই ছেকেণ্ডমানৰ এটা ভিডিঅ’৷ সেই ভিডিঅ’ক ভিত্তি কৰিয়েই আৰক্ষীয়ে জৰিমনা বিহিছে প্ৰধানমন্ত্ৰী ঋষি চুনাকক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
