ব্ৰিটেইনৰ প্ৰধানমন্ত্ৰী বৰিছ জনছন আৰু বিত্ত মন্ত্ৰী ঋষি চুনাকে জৰিমনাৰ সন্মুখীন হৈছে! কোভিড বিধি উলংঘন কৰাৰ অভিযোগত ব্ৰিটেইনৰ প্ৰধানমন্ত্ৰীৰ লগতে বিত্ত মন্ত্ৰী ঋষি চুনাক ব্ৰিটিছ আৰক্ষীয়ে জৰিমনা বিহিছে৷
ব্ৰিটিছ আৰক্ষীয়ে অভিযোগ কৰিছে যে লকডাউনৰ সময়ত দেশখনৰ প্ৰধানমন্ত্ৰী আৰু বিত্ত মন্ত্ৰীয়ে কোভিড বিধি তথা নিষেধাজ্ঞা উলংঘনেৰে মানুহৰ সমাৱেশ ঘটাইছিল৷
মঙলবাৰে ব্ৰিটেইনৰ চৰকাৰী বিবৃতিত কোৱা হৈছে যে লণ্ডন আৰক্ষীয়ে বৰিছৰ পত্নী কেৰী চাইমণ্ডছকো কোভিড নিয়ম ভংগ কৰাৰ অভিযোগত তদন্ত কৰি আছে।
লগতে পঢ়ক ৯০ গৰাকী স্পাইজেট পাইলটৰ বিমান উৰণত নিষেধাজ্ঞা DGCAৰ : কিন্তু কিয়?
উল্লেখ্য যে কৰোনা প্ৰতিৰোধ কৰিবলৈ সমগ্ৰ ব্ৰিটেইনত লকডাউন জাৰি কৰা হৈছিল। কিন্তু, সেই লকডাউনৰ সময়তে ব্ৰিটিছ প্ৰধানমন্ত্ৰীৰ চৰকাৰী বাসভৱন ১০ ডাউনিং ষ্ট্ৰীটত একাধিক দলীয় সভাৰ আয়োজন কৰা বুলি অভিযোগ কৰা হৈছে।
তদন্তৰ সময়ত, আৰক্ষীয়ে কোভিড বিধি উলংঘনা কৰি প্ৰধানমন্ত্ৰী বৰিছে অতি কমেও ১২ খনকৈ সভা আহ্বান কৰাৰ তথ্য প্ৰমাণ লাভ কৰিছে৷
ইফালে বিত্ত মন্ত্ৰী ঋষিৰ বিৰুদ্ধেও তদন্ত চলাই আৰক্ষীয়ে সভা আহ্বান কৰাৰ তথ্য প্ৰমাণ লাভ কৰিছে৷
লগতে পঢ়ক ইজনৰ পিছত সিজন কিশোৰক ধৰ্ষণ প্ৰেমিকাৰ! মডেল প্ৰেমিকাক হত্যা প্ৰেমিকৰ
অৱশ্যে, আৰক্ষীয়ে এই দাবী কৰিলেও প্ৰধানমন্ত্ৰী বৰিছে ৰাজহুৱাভাৱে সভা আয়োজন কৰাৰ কথা স্বীকাৰ কৰা নাই।
আনহাতে, ব্ৰিটিছ আৰক্ষীৰ এই পদক্ষেপ আৰু মঙলবাৰৰ চৰকাৰী বিবৃতিৰ পিছতে বিৰোধী লেবাৰ পাৰ্টিয়ে প্ৰধানমন্ত্ৰী বৰিছ জনছন আৰু বিত্ত মন্ত্ৰীৰ ঋষি চানু ৰ পদত্যাগ দাবী কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
