ৰাজ্যজুৰি শোকৰ বন্যা, বায়েকক দৰা ঘৰত থৈ নিজে ঘৰ নাপালেগৈ ভাতৃ
ঘৰত বহু দিনৰে পৰা উলহ-মালহ পৰিৱেশ। ঘৰ খনৰ কন্যাৰ বিয়া। নতুন এঘৰলৈ বিয়া দি উলিয়াই দিব ঘৰ খনৰকন্যাক। সকলো ঠিকমতে হৈ যায়। বিয়াৰ শেষত বায়েকক থবলৈ বুলি ভায়েকো ওলায়। লগত আৰু বন্ধু সহ পৰিয়ালৰে আন আন লোক।
কিন্তু ঘৰখনৰ লগতে সেই কইনাৰ ভাতৃৰ ভাগ্যত নিয়তিয়ে লিখি থৈছিল অন্যহে। সকলো ফুৰ্তি মুহুৰ্ততে শেষ হৈ কান্দোনলৈ পৰিণত হয়। কইনা তথা বায়েকক দৰা ঘৰত থৈ পুৱতি নিশা নিজ ঘৰলৈ উভতি আহি থকাৰ সময়কে ভাতৃৰ শেষ হৈ যায় সকলো। এক শোকাৱহ পথ দুৰ্ঘটনাত অকাল মৃত্যুক আঁকোৱালি লয় ভাতৃয়ে।
পুৱতি নিশা আন চাৰিগৰাকী বন্ধু- বান্ধৱৰ স’তে এখন বাহনত ঘৰলৈ উভতি গৈছিল ডিব্ৰুগড় জিলাৰ টেঙাখাত তামূলীখাতৰ যুৱক ঈশান গগৈ ৷ একেখন জিলাৰে লাহোৱালৰ বকুলত বৰদেউতাৰ ছোৱালী অৰ্থাৎ বায়েকক কইনা হিচাপে এৰি ঘৰলৈ উভতাৰ পথতে চেঁচা নদীৰ দলঙৰ সমীপত বাহনখন নিয়ন্ত্ৰণ হেৰুৱাই নদীৰ বুকুত সোমাই পৰে ৷
ডিব্ৰুগড়-দুলীয়াজান, জয়পুৰ, নাহৰকটীয়া পথত সংঘটিত এই ঘটনাত নিহত হয় কইনাৰ ভাতৃ ঈশান গগৈ৷ আন চাৰিজনক উদ্ধাৰ কৰি সংকট জনক অৱস্থাত অসম চিকিৎসা মহাবিদ্যালয়লৈ প্ৰেৰণ কৰা হৈছে । আহত আন চাৰিজন হৈছে – অখিৰাজ গগৈ (২৮), ত্ৰিদীপ গগৈ (৩০), লাটু গগৈ (২৬), আৰু বিপ্লৱ গগৈ (২৮)।
নদীৰ বুকুত বাহন খনতে আবদ্ধ হৈ থকা ঈশান গগৈক NDRF -এ উদ্ধাৰ কৰে যদিও ইতিমধ্যে শোকাৱহ ভাৱে মৃত্যুক আঁকোৱালী লয় ইশানে। পুৱতি নিশা ঘন কুঁৱলীৰ বাবেই এই শোকাৱহ পথ দুৰ্ঘটনাটো সংঘটিত হয়। এই ঘটনাই এতিয়া সমগ্ৰ ৰাজ্যতে শোকৰ বন্যা বোৱাইছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
